Read Zarma Psalms 128 Bible Online

Psalms 128 - Zarma bible

Psalms 128

¹Zijiyaŋ dooni no. Albarkante no boro kulu kaŋ ga humburu Rabbi, Boro kaŋ ga dira a fondey ra.

²Ni ga ni kambe goyey nafa ŋwa, Ni ga ciya albarkante, ni ga ciya arzakante mo.

³Ni wando ga ciya reyzin* nya kaŋ ga hay ni windo ra jina haray, Ni izey mo sanda zeytun* tilamanteyaŋ no ni taablo windanta.

⁴Guna, boro kaŋ ga humburu Rabbi, Yaadin cine no a ga du albarka nd'a.

⁵Rabbi ga ni albarkandi nda albarka kaŋ ga fun Sihiyona ra, Ni ma di Urusalima albarka mo ni fundi jirbey kulu ra.

⁶Oho, ni ma di ni haamey. Laakal kanay ma bara Israyla gaa!