Read Zarma Psalms 129 Bible Online

Psalms 129 - Zarma bible

Psalms 129

¹Zijiyaŋ dooni no. «Sorro marge no i n'ay taabandi za ay zankatara waate!» Israyla ma ci ka ne:

²«Sorro marge no i n'ay taabandi za ay zankatara waate. Kulu nda yaadin i mana te ay boŋ zaama.

³Alfarey na ngey farmi guwey te ay banda daaro ra, I na ngey bata guwey kuukandi mo.»

⁴Rabbi ya adilitaraykoy no, A na laalakoyey korfey pati.

⁵Borey kulu kaŋ yaŋ si ba Sihiyona ma haaw, I ma bare ka ye banda.

⁶I ma ciya sanda fu boŋ subu kaŋ ga lakaw za a mana beeri.

⁷Subu wiiko si du ka nga kambe toonandi nd'a, Sanku fa boko hawko m'a ganday.

⁸Bisako mo si ne: «Rabbi albarka ma goro araŋ boŋ, Iri ga albarka gaara araŋ se Rabbi maa ra.»