Read Zarma Psalms 136 Bible Online

Psalms 136 - Zarma bible

Psalms 136

¹Wa saabu Rabbi se, zama nga wo booriyankoy no, Zama a baakasinay suujo ga tondo hal abada.

²Wa saabu koyey Irikoyo se, Zama a baakasinay suujo ga tondo hal abada.

³Wa saabu koyey Koyo se, Zama a baakasinay suujo ga tondo hal abada.

⁴Nga kaŋ ga dambara goy beerey te, Wa saabu nga hinne se, Zama a baakasinay suujo ga tondo hal abada.

⁵Wa saabu nga kaŋ na beeney te fahamay boŋ se, Zama a baakasinay suujo ga tondo hal abada.

⁶Wa saabu nga kaŋ na laabo daaru harey boŋ se, Zama a baakasinay suujo ga tondo hal abada.

⁷Wa saabu nga kaŋ na kaari beerey te se, Zama a baakasinay suujo ga tondo hal abada.

⁸Wayna zama a ma zaari may, Zama a baakasinay suujo ga tondo hal abada.

⁹Hando da handariya izey, ngey mo i ma cin may, Zama a baakasinay suujo ga tondo hal abada.

¹⁰Nga kaŋ na Misira kar da hay-jine wiyaŋ, Wa saabu a se, Zama a baakasinay suujo ga tondo hal abada.

¹¹A na Israyla mo kaa i ra, Zama a baakasinay suujo ga tondo hal abada.

¹²Da gaabi kwaaray da kambe sallanta mo, Zama a baakasinay suujo ga tondo hal abada.

¹³Nga kaŋ na Teeku Cira kortu, wa saabu a se, Zama a baakasinay suujo ga tondo hal abada.

¹⁴A naŋ Israyla ma gana mo teeko bindi ra, Zama a baakasinay suujo ga tondo hal abada.

¹⁵Amma a na Teeku Cira gum Firawna nda nga wongu marga kulu boŋ, Zama a baakasinay suujo ga tondo hal abada.

¹⁶Nga kaŋ na nga borey candi saajo ra, wa saabu a se, Zama a baakasinay suujo ga tondo hal abada.

¹⁷Nga kaŋ na bonkooni beeriyaŋ kar, wa saabu a se, Zama a baakasinay suujo ga tondo hal abada.

¹⁸A na bonkooni hinkoyey wi mo, Zama a baakasinay suujo ga tondo hal abada.

¹⁹Amorancey bonkoono Sihon, Zama a baakasinay suujo ga tondo hal abada.

²⁰Da Basan bonkoono Og mo, Zama a baakasinay suujo ga tondo hal abada.

²¹A n'i laabey nooyandi tubu hari, Zama a baakasinay suujo ga tondo hal abada.

²²Tubu hari nooya a tamo Israyla se, Zama a baakasinay suujo ga tondo hal abada.

²³Nga kaŋ fongu iri gaa iri kayna ra, wa saabu a se, Zama a baakasinay suujo ga tondo hal abada.

²⁴A n'iri faaba iri yanjekaarey kambe, Zama a baakasinay suujo ga tondo hal abada.

²⁵A go ga ŋwaari no fundikooni kulu se, Zama a baakasinay suujo ga tondo hal abada.

²⁶Wa saabu beene Irikoyo se, Zama a baakasinay suujo ga tondo hal abada.