Read Zarma Psalms 14 Bible Online

Psalms 14 - Zarma bible

Psalms 14

¹Doonkoy jine bora se. Dawda wane no. Saamo ga ne nga bina ra: «Irikoy si no.» I fumbu, i na fanta goyyaŋ te. Goy hanno teeko si no, baa afo.

²Rabbi go hala beene, a na Adam-izey guna ganda, Nga ma di hala fahamante go no kaŋ ga Irikoy ceeci.

³I kulu kamba, i fumbu care banda. Goy hanno teeko si no; baa afolloŋ si no.

⁴Laala goy-teekoy wo sinda bayray no? Ngey kaŋ yaŋ g'ay borey ŋwa sanda mate kaŋ cine i ga buuru ŋwa, I si Rabbi ce mo.

⁵Noodin no humburkumay boobo n'i di, Zama Irikoy go adilantey dumey banda.

⁶Araŋ na taabante saaware haawandi, Day Rabbi no ga ciya a se tuguyaŋ do.

⁷Doŋ day Israyla* faaba ma fun Sihiyona ra! Alwaati kaŋ Rabbi ga ye ka kande nga borey i ma fun tamtaray, Yakuba ga farhã, Israyla ga te bine kaani.