Read Zarma Psalms 150 Bible Online

Psalms 150 - Zarma bible

Psalms 150

¹Alleluya! Wa Irikoy sifa nga Nangu Hananta ra! W'a sifa a beene batama beero ra.

²W'a sifa a goy hinkoyey sabbay se. W'a sifa a beera kaŋ bisa i kulu din boŋ.

³W'a sifa nda hilli hẽeni beeri, W'a sifa nda moolo kayna nda moolo beeri.

⁴W'a sifa nda gaasu kaŋ i fay haray da gaani, W'a sifa nda moolo hamni boobokoy da seese.

⁵W'a sifa nda guurey kaŋ i ga kar kaŋ hẽeni ga beeri, W'a sifa nda can-caŋey.

⁶Hay kulu kaŋ ga fulanzam ma Rabbi sifa. Alleluya!