Read Zarma Psalms 20 Bible Online

Psalms 20 - Zarma bible

Psalms 20

¹Doonkoy jine bora se. Dawda wane no.

²Rabbi ma tu ni se kankami alwaati ra, Yakuba Irikoyo maa ma ni dake beene,

³A ma gaakasinay samba ni se kaŋ ga fun Nangu Hananta ra, A ma ni gaa da gaakasinay kaŋ ga fun Sihiyona ra,

⁴A ma fongu ni ŋwaari sargayey kulu gaa, A ma ni sargay kaŋ i ga ton ta ni se. (Wa dangay)

⁵A ma ni bina muraado feeri ni se, A ma ni saawara kulu toonandi mo.

⁶Iri ga ni zaamayaŋo zamu. Iri Irikoyo maa ra no iri ga iri liiliwaley sinji. Rabbi ma ni ŋwaarayey kulu toonandi ni se.

⁷Sohõ kay, Ay bay kaŋ Rabbi ga nga wane suubananta faaba. A ga tu nga suubananta se, Tuyaŋo ga fun a beene hananta ra haray, D'a kambe ŋwaaro gaabo kaŋ ga faaba te.

⁸Boro fooyaŋ, torkey no i ga fooma nd'a, Afooyaŋ mo bariyey, Amma iri wo, Rabbi iri Irikoyo maa no iri ga fooma nd'a.

⁹Ngey wo gungum, i kaŋ. Amma iri wo tun, iri goono ga kay.

¹⁰Ya Rabbi, ma faaba te. Koyo ma tu iri se waati kaŋ iri ga ce.