Read Zarma Psalms 29 Bible Online

Psalms 29 - Zarma bible

Psalms 29

¹Dawda baytu fo no. Ya araŋ Irikoy malaykey, wa no Rabbi se -- Wa darza nda gaabi no Rabbi se.

²Wa Rabbi no darza kaŋ ga hima nd'a maa. Wa sududu Rabbi se zama a gonda darza hanno.

³Rabbi jinda go harey boŋ, Irikoy darzakoyo goono ga kaati, Rabbi go hari bambatey boŋ.

⁴Rabbi jinda ya hinkoy no, Rabbi jinda go toonante nda beeray beeri.

⁵Rabbi jinda ga sedre nyayaŋ zeeri. Oho, Rabbi ga Liban sedre* nyaŋey ceeri-ceeri.

⁶A ga naŋ i ma sar-sar sanda handayze cine. Liban da Siriyon mo sanda haw-bi ize.

⁷Rabbi jinda ga danji deeneyaŋ zortandi,

⁸Rabbi jinda ga saaji jijirandi, Rabbi ga Kades saajo jijirandi.

⁹Rabbi jinda ga naŋ jeerey ma hay, A ga tuuri zugey jallandi. A marga fuwo ra hay kulu ga ne: «Darza!»

¹⁰Rabbi goro tunfaana boŋ. Oho, Rabbi goro, Koy no hal abada.

¹¹Rabbi ga gaabi no nga borey se, Rabbi ga nga borey albarkandi nda laakal kanay.