Read Zarma Psalms 3 Bible Online

Psalms 3 - Zarma bible

Psalms 3

¹Dawda wane no kaŋ a te waato kaŋ a zuru nga izo Absalom se.

²Ya Rabbi, ay ibarey tonton hal i si lasaabu, Borey kaŋ yaŋ goono ga tun ay gaa ga baa gumo.

³Boro boobo no goono ga ne ay fundo boŋ: «Gaakasinay kulu s'a se Irikoy do.» (Wa dangay)

⁴Amma, ya Rabbi, ni ya koray no ay se, Ni ya ay darza d'ay bina gaabandikwa mo no.

⁵Ay jinda no ay hẽ d'a Rabbi gaa, A tu ay se mo nga tondi hananta ra. (Wa dangay)

⁶Ay kani, ay jirbi, Ay mo hay, zama Rabbi goono g'ay kuru.

⁷Boro zambarey baayaŋ kaŋ n'ay windi nda gaaba, I humburkumay s'ay di.

⁸Ya Rabbi, tun! Ya ay Irikoyo, m'ay faaba! Zama ni n'ay ibarey kulu kar garbe gaa. Ni na laalakoyey hinjey bagu-bagu.

⁹Faaba wo Rabbi kambe ra n'a go. Ni albarka ma goro ni borey boŋ. (Wa dangay)