Read Zarma Psalms 48 Bible Online

Psalms 48 - Zarma bible

Psalms 48

¹Dooni. Kora izey baytu fo no.

²Rabbi wo Beeraykoy no, kaŋ to sifayaŋ gumo, Iri Irikoyo gallo ra, a tondi kuuku hanna ra nooya.

³Sihiyona tondo ya Koy Beero gallo no kaŋ go azawa kambe, Kayyaŋ-hanno-koy no, farhã hari no ndunnya kulu se.

⁴Irikoy na nga boŋ bayrandi, Nga ya wongu fu no gallo faadey ra.

⁵Zama a go, bonkooney margu, care banda mo no i bisa.

⁶Kaŋ i di, i to da dambara, i laakaley tun hal i zuru.

⁷Jijiriyaŋ n'i di noodin, Sanda wayboro kaŋ goono ga hay-zaŋay gurzuga cine.

⁸_Ni n'i pati-pati mo, sanda mate kaŋ cine|_ ni na Tarsis hiyey pati-pati nda wayna funay hawo.

⁹Sanda mate kaŋ cine iri maa, yaadin cine mo no iri di, Rabbi Kundeykoyo gallo ra, iri Irikoyo gallo ra. Irikoy g'a sinji hal abada. (Wa dangay)

¹⁰Ya Irikoy, iri fongu ni baakasinay suujo gaa ni fuwo bindo ra.

¹¹Ya Irikoy, mate kaŋ cine ni maa bara, Yaadin cine mo no ni sifayaŋo bara nd'a hala ndunnya me. Ni kambe ŋwaaro to da adilitaray.

¹²Sihiyona tondo ma farhã, Yahuda ize wayey ma te bine kaani ni ciitey sabbay se.

¹³Wa Sihiyona ra windi, w'a banda mo casu, W'a cinari kuukey kabu.

¹⁴W'a wongu fuwey guna ka boori, w'a faadey gana, Zama araŋ ma du ka ci zamana kaŋ ga dake araŋ gaa se.

¹⁵Zama Irikoyo wo iri Irikoyo no hal abada abadin. A ga ciya iri se jine candiko ka koy hal iri buuyaŋ hane.