Read Zarma Psalms 54 Bible Online

Psalms 54 - Zarma bible

Psalms 54

¹Doonkoy jine bora se. I m'a doon da moolo beeri karyaŋ. Dawda baytu fo no kaŋ a te

²waato kaŋ Zif kwaara borey koy ka ci Sawulu se ka ne: «Ni mana bay kaŋ iri game ra no Dawda bara ga tugu?»

³Ya Irikoy, m'ay faaba nda ni maa. Ma ciiti ay se mo ni hino ra.

⁴Ya Irikoy, ma maa ay adduwa, Ma hanga jeeri ay me sanney se.

⁵Zama yawyaŋ tun ay gaa, Toonyanteyaŋ mo n'ay fundo ceeci, I mana Irikoy daŋ ngey jine mo. (Wa dangay)

⁶A go, Irikoy ya ay gaako no, Ay Koyo wo ay fundo gaayko no.

⁷A g'ay ibarey bana nda ngey laala. Ni m'i halaci ni naanayo ra.

⁸Ay ga sargay da nooyaŋ te ni se, bine yadda wane yaŋ. Ya Rabbi, ay ga saabu ni maa se, Zama ni ya ihanno no.

⁹Zama a n'ay kaa taabi kulu ra, Ay mwa mo di ay muraadey kulu feeri ay ibarey boŋ.