Read Zarma Psalms 61 Bible Online

Psalms 61 - Zarma bible

Psalms 61

¹Doonkoy jine bora se. I m'a doon da moolo beeri karyaŋ. Dawda wane no.

²Ya Irikoy, ma maa ay hẽeno se, Ma hanga jeeri ay adduwa se mo.

³Za ndunnya me no ay ga ni ce, Waati kaŋ ay bina gaze. M'ay candi ka kond'ay tondo kaŋ ga ku da ay do.

⁴Zama ni ya koruyaŋ do no ay se, Cinari gaabikooni mo no kaŋ ra ay ga tugu ay ibare se.

⁵Naŋ ay ma goro ni bukka ra duumi, Naŋ ay ma kosaray ceeci ni fatey biyo cire. (Wa dangay)

⁶Zama nin, ya Irikoy, ni maa ay sartey, Borey kaŋ yaŋ ga humburu ni maa, ni n'ay no i tubo gaa.

⁷Ni ga bonkoono fundi jirbey kuukandi, A jiirey mo ga baa sanda zamana boobo.

⁸A ga goro Irikoy jine hal abada. Ni ma baakasinay suuji nda cimi daŋ kaŋ g'a haggoy.

⁹Yaadin gaa no ay ga sifaw baytu te ni maa gaa duumi, Zama ay m'ay sartey toonandi zaari kulu.