Read Zarma Psalms 8 Bible Online

Psalms 8 - Zarma bible

Psalms 8

¹Doonkoy jine bora se. I m'a doon da moolo hamni ahakkukoy karyaŋ. Dawda wane no.

²Ya Rabbi Irikoy, Man gaa ni maa darza misa ndunnya kulu ra? Nin no ka ni beera daŋ beeney boŋ.

³Ni na gaabi sinji attaciriyey da naanandey me ra ni yanjekaarey sabbay se, Zama ni ma ibara da fansa banakwa ganji sanni.

⁴Waati kaŋ ay goono ga laakal da beeney kaŋ ni te, Kaŋ ga ti ni kambe goyey, Hando da handariyayzey mo kaŋ yaŋ ni daŋ,

⁵Adam-ize ya ifo no binde kaŋ ni ga fongu a gaa, Wala ifo no boro izo kaŋ ni g'a kunfa?

⁶Ni n'a gazandi malaykey gaa kayna, Ni n'a didiji nda darza nda beeray mo.

⁷Ni n'a daŋ a ma mayray te ni kambe goyey boŋ. Ni na hay kulu daŋ a cey cire:

⁸Feejey da hawey kulu, Oho, hala nda ganji hamey,

⁹Da beene curayzey da teeku hamey, Da hay kulu kaŋ ga gana teeku fondey ra.

¹⁰Ya Rabbi Irikoy, Man gaa ni maa darza misa ndunnya kulu ra?