Read Zarma Psalms 95 Bible Online

Psalms 95 - Zarma bible

Psalms 95

¹Wa kaa, iri ma farhã baytu te Rabbi se, Iri ma cilili iri faaba tondo se.

²Iri ma kaa a jine da saabuyaŋ, Iri ma farhã kuuwa te a se da baytuyaŋ.

³Zama Rabbi ya Irikoy beeri no, Bonkooni bambata no de-koyey kulu boŋ.

⁴A kambe ra no ndunnya guusuyaŋey go, Tondi kuukey yolley mo, a wane yaŋ no.

⁵Teeko ya a wane no, nga mo no k'a te, A kambey mo no ka laabu koga te.

⁶Wa kaa, iri ma sududu, iri ma gungum, Iri ma sombu Rabbi iri Takakwa jine

⁷zama nga ya iri Irikoyo no, Iri mo a kuray nangey boroyaŋ no, A kambe feejiyaŋ mo no. Hunkuna, d'araŋ maa a jinda,

⁸Wa s'araŋ biney sandandi, sanda Meriba ra wano cine, Sanda Massa zaaro cine saajo ra,

⁹Naŋ kaŋ araŋ kaayey n'ay gosi k'ay si. I di ay goyo,

¹⁰Jiiri waytaaci no ay na zamana din izey fanta. Ay ne: «Jama no kaŋ go ga daray ngey biney ra, I man'ay fondey bay mo.

¹¹Woodin se no ay ze ay futa ra ka ne: ‹Daahir i si furo ay fulanzamyaŋo ra.› »