Read Zarma Joshua 12 Bible Online

Joshua 12 - Zarma bible

Joshua 12

¹Laabey bonkooney neeya, kaŋ yaŋ Israyla izey kar k'i laabey ŋwa Urdun daaranta wayna funay haray, za Arnon gooro gaa ka koy Hermon tondo gaa, da Gooru Beero kulu wayna funay haray:

²Sihon Amorancey bonkoono, kaŋ goro Hesbon ra. Nga no ga may za Arower kaŋ go Arnon isa jabo gaa, da birno kaŋ go gooro bindi ra, da Jileyad, kal a ma koy Yabok isa gaa haray; Amon izey hirro nooya.

³A ga may mo Gooru Beero ra ka koy Cinnerot teeko gaa, wayna funa kambo, ka koy hala Gooru Beero gaa, danga Ciiri Teeko nooya, Bayt-Yesimot fonda boŋ wayna funay haray, da dandi kambe haray mo Pisga zumbanta.

⁴Basan bonkoono Og mo, Refayim cindo do haray boro no, kaŋ yaŋ goono ga goro Astarot da Edrey ra.

⁵A ga may mo Hermon tondo da Saleka ra, da Basan kulu, ka koy hala Gesur borey da Maaka borey hirro gaa, da Jileyad jara fa; Hesbon bonkoono Sihon hirro nooya.

⁶Rabbi tamo Musa da Israyla izey na bonkooney din kar. Rabbi tamo Musa na laabo din nooyandi Ruben izey da Gad izey, da Manasse kunda jara se tubu hari.

⁷Yasuwa nda Israyla izey zaama koyey boŋ kaŋ go Urdun daaranta wayna kaŋay haray, za Baal-Gad Liban gooro ra kal a ma koy Halak tondo gaa, kaŋ ga ziji ka koy Seyir. (Yasuwa n'i nooyandi Israyla kundey se, kunda kulu nda nga baa.

⁸Koyey din go tondey laabo ra, da Safela ra, da Gooru Beero ra, da zumbanta ra, da ganjo ra, da Negeb* laabo ra, kaŋ ga ti Hittancey, da Amorancey, da Kanaanancey, da Perizancey, da Hibancey, da Yebusancey laabey.)

⁹Yeriko koyo, afo Ayi koyo, kaŋ go Betel jarga afo

¹⁰Urusalima koyo afo Hebron koyo afo

¹¹Yarmut koyo afo Lacis koyo afo

¹²Eglon koyo afo Gezer koyo afo

¹³Debir koyo afo Gedar koyo afo

¹⁴Horma koyo afo Arad koyo afo

¹⁵Libna koyo afo Adullam koyo afo

¹⁶Makkeda koyo afo Betel koyo afo

¹⁷Tappuwa koyo afo Hefer koyo afo

¹⁸Afek koyo afo Lassaron koyo afo

¹⁹Madon koyo afo Hazor bonkoono afo

²⁰Simron-Meron koyo afo Aksaf koyo afo

²¹Taanak koyo afo Mejiddo koyo afo

²²Kedes koyo afo Yokneyam koyo kaŋ go Karmel ra afo

²³Dor koyo kaŋ go Dor tudey ra afo dumi cindey koyo kaŋ go Jilgal ra afo

²⁴Tirza koyo afo Koyey kulu marganta, waranza cindi fo no.