Read Zeme Naga JENESIS 36 Bible Online

JENESIS 36 - Zeme Naga bible

JENESIS 36

¹Airamme ze Esaube (chize Edom) chaname de lei.

²Esaube Kanaanme zat gene pe nâu lu de lei: Het’mpeu Elonbe na Adale, Hib’mpeu Zibeonbe na Anabe na Oholibamale

³zai Ishmaelbe na Nebaiothbe kinapui Basemathle aime bau de lei.

⁴Zai Adale ne Esaube na Eliphazbe je lungkeu gai lei; Basemathle ne Reuelbe je lungkeu gai lei;

⁵zai Oholibamale ne Jeube, Jalambe, zai Korabe je lungkeu gai de lei. Aime bau ze Esaube Kanaanram ge bambe ting pe dagene lungkeugaibe ’mpeumi ramme de lei.

⁶Chidadege Esaube â pe nâu ramme, pe na ’mpeumi ramme, pe na ’mpuimi ramme, zai pe kiduîme leine, pe gu getumdung, pe gu kaurui ramme, zai Kanaan ram gene pe gu pe heurâ ngaulube leine tei lu pe kinapeu Jakobbe dagene heram kêda ’mbe tat’mbia di de lei.

⁷Penai bamherua ra hangge â penai heurâ kie’nteu’ndibe ziegeneu; penai gu kauruidung kiebe ziegene penai bamgaibe heram gene penai je tei’nsap lak ra chang di de lei.

⁸Chipauziegene Esaube â Seir ramloa ge lung di de lei, Esaube ze Edombe de lei.

⁹Aime ze Seirram loa ge lungme Edomme peu Esaube chaname de lei.

¹⁰Aize Esaube na ’mpeumi ramme ji de lei: Esaube nâu Adale na Eliphazbe, Esaube nâu Basemathle na Reuelbe zeu.

¹¹Eliphazbe na ’mpeumi ramme ze â Temanbe, Omarbe, Zephobe, Gatambe, zai Kenazbe de lei.

¹²(Timnale â Esaube na Eliphazbe gu nausîpui de lei; pa ne Eliphazbe dage Amalekbe je lungkeu gai de lei.) Aime ze Esaube nâu Adale na ’mpeumi ramme de lei.

¹³Aime ze Reuelbe na ’mpeumi ramme de lei: Nahathbe, Zerabe, Shammabe, zai Mizzabe, aime ze Esaube nâu Basemathle ne lungkeube na Reuelbe na ’mpeumi ramme de lei.

¹⁴Aime ze Zibeonbe na Anale na Esaube nâu Oholibamale na ’mpeumi ramme de lei: pa ne Esaube dage Jeube, Jalambe, zai Korabe je lungkeu gai de lei.

¹⁵Aime ze Esaube name ruage besuitewme bau de lei. Esaube na meraibe Eliphazbe name bau besuitewme ze: Temanbe, Omarbe, Zephobe, Kenazbe,

¹⁶Korabe, Gatambe, zai Amalekbe de lei; aime ze Edomram ge Eliphazbe gu besuitewme de lei; penui â Adale ne lungkeube na ’mpeumi ramme de lei.

¹⁷Aime ze Esaube na Reuelbe name de lei: besuitewme bau, Nahathbe, Zerabe, Shammabe, zai Mizzabe de lei; aime ze Edomram ge Reuelbe gu besuitewme de lei; penui â Esaube nâu Basemathle na ’mpeumi ramme de lei.

¹⁸Aime ze Esaube nâu Oholibamale name ’mpeumi ramme de lei: besuitewme Jeube, Jalambe zai Korabe: aime ze Esaube nâu Anale na Oholibamale dagene lungkeube besuitewme de lei.

¹⁹Aime ze Esaube (chize Edombe) name lei, zai aime ne penui gu besuitewme de lei.

²⁰Aime ze heram deiname zai Hor’mpeu Seirbe chaname de lei: Lotanbe, Shobalbe, Zibeonbe, Anabe,

²¹Dishonbe, Ezerbe, zai Dishanbe zeu; aime ze Edomram ge Seirbe chaname, Horme ruage besuitewme bau de lei.

²²Lotanbe name â Horibe benai Hemanbe de lei; zai Lotanbe kinapui â Timnale lei.

²³Aime ze Shobalbe name bau de lei: Albanbe, Manahathbe, Ebalbe, Shephobe, zai Onambe.

²⁴Aime ze Zibeonbe name de lei: Aiahbe benai Anabe zeu; aipau peu Anabe ze de lei, pe peu Zibeonbe gu hekunmerângne je petaning ge reîtatbe gene hênamchangbe heram ge lumbe depin ngaudaulupeu zeu.

²⁵Aime ze Anabe name de lei: Dishonbe benai Anabe na Oholibamale zeu.

²⁶Aime ze Dishonbe name de lei: Hemdanbe, Eshbanbe, Ithranbe, zai Keranbe zeu.

²⁷Aime ze Ezerbe name de lei: Bilhanbe, Zaabanbe, zai Akanbe zeu.

²⁸Aime ze Dishanbe name de lei: Uzbe benai Aranbe zeu.

²⁹Aime ze Horme gu besuitewme de lei: besuitewme Lotanbe, Shobalbe, Zibeonbe, Anabe,

³⁰Dishonbe, Ezerbe, zai Dishanbe zeu; aime ze Seirram ge penui peuna ’ntikêube luigum ze Horme gu besuitewme bau de lei.

³¹Aime ze Israelme peireige mî du heguang mak ’ngkage, Edomram ge heguang sapme bau de lei.

³²Beorbe na Belabe ne Edomram ge kaheguang de lei, pe gu namdi ji ze Dinhaba lei.

³³Belabe chai di de lei, zai Bozra’mpeu Zerabe na Jobabbe ne heguang leî kadai de lei.

³⁴Jobabbe chai di de lei, zai Teman’mpeu Hushambe ne heguang leî kadai de lei.

³⁵Hushambe chai di de lei, zai Moabram ge Midianbe je duîlupeu Bedadbe na Hadadbe ne heguang leî kadai de lei, pe gu namdi ji ze Abith lei.

³⁶Hadadbe chai di de lei, zai Masreka’mpeu Samlabe ne heguang leî kadai de lei.

³⁷Samlabe chai di de lei, zai Euphrates geukung ge Rehoboth’mpeu Shaulbe ne heguang leî kadai de lei.

³⁸Shaulbe chai di de lei, zai Akborbe na Baal-hananbe ne heguang leî kadai de lei.

³⁹Akborbe na Baal-hananbe chai di de lei, zai Hadarbe ne heguang leî kadai de lei, pe gu namdi ji ze Pau lei; pe nâu ji â Matredle na Mehetabelle lei, Mezahabbe ze â Matredle peu lei.

⁴⁰Aime ramme ze Esaube chaname besuitewme ji ramme lei, penui kibâu ramme, zai penui kebambe bâm ramme bambe tak chai sui ze penui ji ramme â aize lei: Besuitewme, Timnabe, Albabe, Jethethbe,

⁴¹Oholibamabe, Elabe, Pinonbe,

⁴²Kenazbe, Temanbe, Mibzarbe,

⁴³Magdielbe zai Irambe de lei; aime ze Edom ge besuitewme de lei. (Chize Esaube, Edomme peu lei), penui ne ka’nrambe heram ge penui bâm gechâm-châmbe bambe tak luigum zeu.