Read Zeme Naga JENESIS 5 Bible Online

JENESIS 5 - Zeme Naga bible

JENESIS 5

¹Aize Adambe dagene rehei piakeube rasam rawgaibe leisikuak te lei. Hera ne ziemmena je ’ndam gai dege, pa ne ziemmena je Hera luigum ze chiam gai de lei.

²’Mpeumi benai ’mpuimi je pa ne ’ndam gai de lei, zai pa ne penai je ’nnam gai lu, penai ji hang ziemmena ze ’ntak kai de lei, penai je ’ndamgailube luage zeu.

³Adambe kum haî kat ze himreu ringchang gai dege, pe na ’mpeumi pe luîrunbe kau, zai pe luigum ze lungkeu de lei, zai pe ji hang Sethbe ze ’ntak kai de lei.

⁴Sethbe je lunglube chângge Adambe kum haî desat ring gai de lei; zai pe na ’mpeumi ramme benai ’mpuimi ramme kêdame je du lungkeu gai ze bam de lei.

⁵Chigum ze Adambe â tingkum haî sekui ze himreu ringchang lu ze chai di de lei.

⁶Sethbe kum haî kat ze mengeu ringchang dege, pe na Enosbe je lungkeu gai de lei.

⁷Enosbe je lunglube châng Sethbe kum haî desat ze sena ring gai de lei, zai pe na ’mpeumi ramme benai ’mpuimi ramme kêdame je du lungkeu gai ze bam de lei.

⁸Chigum ze Sethbe tingkum haî sekui ze kereu ze kena ringchang gai lu pa chai di de lei.

⁹Enosbe kum riaksekui ringchang dege, pe na Kenanbe je lungkeu gai de lei.

¹⁰Kenanbe je lunglube châng Enosbe kum haî desat ze kereu ze mengeu ring gai de lei, zai pe na ’mpeumi ramme benai ’mpuimi ramme kêdabe ramme je du lungkeu gai ze bam de lei.

¹¹Chigum ze Enosbe tingkum ze haî sekui ze mengeu ringchang gai lu pa chai di de lei.

¹²Kenanbe kum riaksena ringchang dege, pe na Ma-halalelbe je lungkeu de lei,

¹³Ma-halalelbe je lunglube chângge Kenanbe kum haî desat ze hedai ring gai de lei, zai pe na ’mpeumi ramme benai ’mpuimi ramme kêdame ramme je du lungkeu gai ze bam de lei.

¹⁴Chigum ze Kenanbe tingkum pelane haî sekui ze kereu ringchang gai lu, pa chai di de lei.

¹⁵Ma-halalelbe kum riakseruk ze mengeu ringchang dege, pe na Jaredbe je lungkeu gai de lei.

¹⁶Jaredbe je lunglube chângge Ma-halalelbe kum haî desat ze himreu ring gai de lei, zai pe na ’mpeumi ramme benai ’mpuimi ramme kêdame ramme je du lungkeu gai ze bam de lei.

¹⁷Chigum ze Ma-halalelbe tingkum ze haî desat ze riaksekui ze mengeu ringchang gai lu pa chai di de lei.

¹⁸Jaredbe kum haî kat ze riakseruk ze kena chang dege pe na Enokbe je lungkeu de lei.

¹⁹Enokbe je lunglube chângge Jaredbe kum haî desat ring gai de lei, zai pe na ’mpeumi ramme benai ’mpuimi ramme kêdame ramme je du lungkeu gai ze bam de lei.

²⁰Chigum ze Jaredbe tingkum ze haî sekui ze riakseruk ze kena ringchang gai lu pa chai di de lei.

²¹Enokbe kum riakseruk ze mengeu ringchang dege, pe na Methuselabe je lungkeu de lei.

²²Enokbe â Hera benai nguapuinakattew ze pe na Methuselabe je lunglube chângge du kum haî chum ring gai de lei, zai pe na ’mpeumi ramme benai ’mpuimi ramme kêdabe ramme je du lungkeu gai ze bam de lei.

²³Chigum ze Enokbe tingkum ze haî chum ze riakseruk ze mengeu de lei.

²⁴Enokbe â Hera benai nguapuinakattew ze bam de lei; zai pechu ngau ta di de lei, Hera ne pechu nguatattibe ziegeneu.

²⁵Methuselabe kum haî kat ze riakdesat ze sena ringchang dege, pe na Lamekbe je lungkeu gai de lei.

²⁶Lamekbe je lunglube chângge Methuselabe kum haî sena ze riakdesat ze kena ring gai de lei, zai pe na ’mpeumi ramme benai ’mpuimi ramme kêdabe ramme je du lungkeu gai ze bam de lei.

²⁷Chigum ze Methuselabe tingkum ze haî sekui ze riakseruk ze sekui ringchang gai lu pa chai di de lei.

²⁸Lamekbe kum haî kat ze riakdesat ze kena ringchang dege, pe na ’mpeumi napoine je lungkeu de lei,

²⁹zai pe ji hang Noabe ze ’ntak kai ze, “Tingwang ne desatkai’ndibe dei ge anui tâtewbe benai anui ba ne hereulie ze tewbambe leine gene aipau poine zene heput tew’nchagaibe chang gu lei,” ze pa kacheu de lei.

³⁰Noabe je lunglube chângge Lamekbe kum haî mengeu ze riaksekui ze mengeu ring gai de lei, zai pe na ’mpeumi ramme benai ’mpuimi ramme kêdabe ramme je du lungkeu gai ze bam de lei.

³¹Chigum ge Lamekbe tingkum ze haî sena ze riaksena ze sena ringchang gai lu pa chai di de lei.

³²Noabe kum haî mengeu ’ntuadibe châng dezaine pe name, Shembe, Hambe, zai Japhethbe je lungkeu de lei.