Read Zeme Naga 1 KRONIKIL 24 Bible Online

1 KRONIKIL 24 - Zeme Naga bible

1 KRONIKIL 24

¹Aime ramme ze Aaronbe name pebau-bau ’nzigaibe de lei: Aaronbe name ze: Nadabbe, Abihube, Eleazarbe, zai Ithamarbe de lei.

²Kane Nadabbe benai Abihube â penai peu chaimakbe suage penai na ’ngga ze chai di de lei, chidadege â Eleazarbe benai Ithamarbe ne tingku chang di de lei.

³Eleazarbe na Zadokbe benai Ithamarbe na Ahimelekbe ne ’ngngâtingkisibeibe gene Dabidbe penui je tâtew ra peigaibe luigumbe gene gekum ze tâtew lu de lei.

⁴Ziemmena besuitewme ramme je Ithamarbe name ruage suane â Eleazarbe name ruagene ngauka’ngkiebe ziegene Eleazarbe name ruagene besuitewme hangkereu ze seruk pat te lei, zai Ithamarbe chaname ruagene besuitewme hangdesat pat lei.

⁵Eleazarbe chaname ruagene benai Ithamarbe chaname ruagene ka’nchibe bâm ge tâ-muipuame benai Hera gu tâ-muipuame bamdibe ziegene penui ruage hedachak ze kakelâng de lei.

⁶Nethanelbe na Shemaiabe leisirawpeu Lebibe ne heguang zai heguangsinme zai tingkupeu Zadokbe zai Abiatharbe na Ahimelekbe, zai tingkume benai Lebime ruage gechîngme bambe gene penui gu sam ramme rawka’ndui de lei; Eleazarbe benai Ithamarbe kiria gene penui ruage tâtew ra tâ ka’nzi de lei.

⁷Hedachakpatraibe ge Jehoiaribbe hangge keu gai lei, pakenabe ge Jedaiabe hangge keu gai lei.

⁸Zai pakechumbe ge Harimbe hangge keu gai lei, pamedaibe ge Seorimbe hangge keu gai lei,

⁹pamengeube ge Malkijabe hangge keu gai lei, paserukbe ge Mijaminbe hangge keu gai lei.

¹⁰Pasenabe ge Hakkozbe hangge keu gai lei, padesatbe ge Abijabe hangge keu gai lei.

¹¹Pasekuibe ge Jeshuabe hangge keu gai lei, pakereube ge Shekaniabe hangge keu gai lei.

¹²Kereu ze kat ge Eliashibbe hangge keu gai lei, kereu ze kena ge Jakimbe hangge keu gai lei.

¹³Kereu ze kechum ge Huppabe hangge keu gai lei, kereu ze medai ge Jeshebe-abbe hangge keu gai lei,

¹⁴kereu ze mengeu ge Bilgabe hangge keu gai lei, kereu ze seruk ge Immerbe hangge keu gai lei,

¹⁵Kereu ze sena ge Hezirbe hangge keu gai lei, kereu ze desat ge Happizzezbe hangge keu gai lei,

¹⁶kereu ze sekui ge Pethahiabe hangge keu gai lei, ’ngkai ge Jehezkelbe hangge keu gai lei,

¹⁷’ngkai ze kat ge Jakinbe hangge keu gai lei, ’ngkai ze kena ge Gamulbe hangge keu gai lei,

¹⁸’ngkai ze kechum ge Delaiabe hangge keu gai lei, ’ngkai ze medai ge Ma-aziabe hangge keu gai lei.

¹⁹Penui peu Aaronbe dagene Tingwang Israelme Rapeu samdiegaibeibe ze pa ne penui hangge tâtewrabe tak hang pei’nchigaibeibe luigumbe gene aime bau hangge Tingwang ki ge wang ra hang penui tâtewbe ge penui tâ zat hang peipat’nchigaibe bam de lei.

²⁰Lebibe dagene rehei kêdame wangkeube, Amrambe name dagene Shuba-elbe wangkeu lei; Shuba-elbe name dagene Jehdeiabe wangkeu lei.

²¹Rehabiabe name dagene pe na chînglangpeu Isshiabe wangkeu lei.

²²Izharme dagene Shelomothbe wangkeu lei; Shelomothbe name dagene Jahathbe wangkeu lei.

²³Hebronbe name bau ze: Chînglangpeu, Jeriabe, pakenabe ge Amariabe, pakechumbe ge Jahazielbe, pamedaibe ge Jekameambe de lei.

²⁴Uzzielbe na ze Mikabe lei; Mikabe name dagene Shamirbe piakeu lei.

²⁵Mikabe kinapeu ze Isshiabe de lei; Isshiabe name dagene Zekariabe piakeu lei.

²⁶Meraribe name ze Malibe benai Mushibe lei, Ja-aziabe na ze Benobe lei.

²⁷Mararibe na Ja-aziabe ze Benobe, Shohambe, Zakkurbe zai Ibribe lei.

²⁸Malibe na ze pe name ’nggapeu Eleazarbe lei.

²⁹Kisbe na ze Jeramilbe lei.

³⁰Mushibe name ze Malibe, Ederbe zai Jerimothbe lei. Penui peume ki riak luigum ze aime bau ze Lebibe chaname bau de lei.

³¹Aime bau penui kichîngme ruage hangkat-kat zai penui kiname ruage hangkat-kat je du heguang Dabidbe, Zadokbe, Ahimelekbe zai tingkume benai Lebime kichîngme ramme bambe gene penui puiname Aaronbe name bau gum ze hedachak te lei.