Read Zeme Naga 1 KRONIKIL 27 Bible Online

1 KRONIKIL 27 - Zeme Naga bible

1 KRONIKIL 27

¹Aize Israelme penui pau-paime kiria ge gechîngme, hereikang changme benai haîme ruage kanguame besuitewme, zai hereikangme chang ’ngkai ze medai-dai hangge kum kat ge bekêu ’nsangne ge heguang gu tâ’nggua ra pebau hang ’nzipâng ze tewrabe deu leine ge penui gu tâ-muipuame hang timchâkkaibe tak te lei.

²Zabdielbe na Jashobe-ambe ne raîlangbe kêu ge raîlangbe bau peireige besuitew ze kangua lei; pe kiangna ge ziemmena chang ’ngkai ze medai lei.

³Pa â Perezbe chana’mpeu lei, zai pa ne raîlangbe kêu ge hereikang besuitewme leine ruage dilangpeu chang lei.

⁴Ahohi’mpeu Dodaibe ne pakenabe kêu ge tatme bau ruage kereîpeu chang lei; pe kiangname ziemmena chang ’ngkai ze medai lei.

⁵Pakechumbe kêu ge pakechumpeu kanguapeu ze tingku besuitewpeu, Jehoiadabe na Benaiabe lei, pe kiangna ge ziemmena chang ’ngkai ze medai lei.

⁶Aipaupeu ze ziemmena himreume ruage peranchipeu, zai hanghimreume peireige kanguapeu lei; pe gu baume peireige pe na Ammizabadbe ne besuitew ze kangua lei.

⁷Pamedaibe kêu ge pamedaipeu ze â Joabbe kinapeu, Asahelbe de lei, zai pesin ge Zebadiabe ne bam lei; pe kiangna ge ziemmena chang ’ngkai ze medai lei.

⁸Pamengeube kêu hangge sipaisaibe pamengeupeu ze â Izhra’mpeu Shamhuthbe lei; pe kiangna ge ziemmena chang ’ngkai ze medai lei.

⁹Paserukbe kêu hangge Teko’mpeu Ikkesbe na Irabe ne chang lei; pe kiangna ge ziemmena chang ’ngkai ze medai lei.

¹⁰Pasenabe kêu hangge pasenapeu ze â Pelon ge Ephraim’mpeu Helezbe lei; pe kiangna ge ziemmena chang ’ngkai ze medai lei.

¹¹Padesatbe kêu hangge padesatpeu ze â Zerabe kiduî’mpeu Hushath’mpeu Sibbekaibe lei; pe kiangna ge ziemmena chang ’ngkai ze medai lei.

¹²Pasekuibe kêu hangge pasekuipeu ze â Benjamin’mpeu Anathoth ge bambepeu Abiezerbe lei; pe kiangna ge ziemmena chang ’ngkai ze medai lei.

¹³Pakereube kêu hangge pakereupeu ze â Zera’mpeu Netopha ge bambepeu Maharaibe lei; pe kiangna ge ziemmena chang ’ngkai ze medai lei.

¹⁴Pakereu ze katbe gu kêu hangge pakereu ze katbepeu hang ze â Ephraimbe name Pirathon ge bambepeu Benaiabe lei; pe kiangna ge ziemmena chang ’ngkai ze medai lei.

¹⁵Pakereu-ze-kenabe kêu hangge pakereu-ze-kenabepeu ze â Othni-elbe chana’mpeu Netophath ge bambepeu Heldaibe lei; pe kiangna ge ziemmena chang ’ngkai ze medai lei.

¹⁶Israelbe zatme ruage Reubenme peireige ge tâ-muipuapeu dilangpeu ze â Zikribe na Eliezerbe de lei; Simeonme peireige Maakabe na Shephatiabe de lei;

¹⁷Lebime peireige Kemuelbe na Hashabiabe de lei, Aaronme peireige Zadokbe de lei;

¹⁸Judame peireige Dabidbe kiname ruage hangkatpeu Elihube de lei; Issakarme peireige Mikaelbe na Omribe de lei.

¹⁹Zebulunme peireige Obadiabe na Ishmaiabe de lei; Naphtalime peireige Azri-elbe na Jeremothbe de lei;

²⁰Ephraimme peireige Azaziabe na Hoshiabe de lei; Manassebe zat pa’mpime peireige Pedaiabe na Joelbe de lei;

²¹Gilead ge Manassebe zat pa’mpime peireige Zekariabe na Iddobe de lei; Benjamin peireige Abnerbe na Ja-asielbe de lei;

²²Danme peireige Jerohambe na Azarelbe de lei. Aime bau ze Israel zatme ruage kanguame bau de lei.

²³Tingwang ne Israelme je tinggîm ge hegi sua â kie ze bam ra samhatkai’ndibe ziegene chime bau je Dabidbe ne penui tingkum ’ngkai ’ngkang kau je â riam gai mak lei.

²⁴Zeruiale na Joabbe ne penui riak riamchu gai de lei, kane riam kam gai mak tai lei, acheusedu aipau tâ tewbeibe ziegene Israelme peireige helumpumbe wangchang de lei, zai chipau riak ze â Heguang Dabidbe rasam rawgaibe leisikuak ge kaigut kai mak lei.

²⁵Heguang ki heurâ ramme peireige Adi-elbe na Asmabethbe ne reî ze besuitew lei, heram gu namdi ramme gu, keloa ramme gu, zai heki kehube ramme gu heurâ ramme peireige Uzziabe na Jonathanbe ne reî lei.

²⁶Kedei pu ze helu ge tâtewme peireige Kelubbe na Ezribe ne besuitew lei;

²⁷zai grepchî lu peireige Ramath’mpeu Shime-ibe ne besuitew lei; zai grepchî ’nchikeube kedei lungge gekâmgaibe peireige Shipham’mpeu Zabdibe ne besuitew lei.

²⁸Shephela ge olib benai ’ndutchî bang ramme peireige Gedera’mpeu Baal-hananbe ne besuitew lei.

²⁹Sharon ge kauruidung kadeteube peireige Sharon’mpeu Shitraibe ne besuitew lei; peningkâm ramme ge kauruidung bambe peireige Addaibe na Shaphatbe ne besuitew lei.

³⁰Put-hu ramme peireige Ishmael’mpeu Obilbe ne besuitew lei; zai hekunmerângne meleu ramme peireige Meronoth’mpeu Jehdeiabe ne besuitew lei. Zai Melidung peireige Hagri’mpeu Jazizbe ne besuitew lei.

³¹Aime ’nteumena ze Heguang Dabidbe heurâ kereîme bau de lei.

³²Dabidbe peu kahenapeu, Jonathanbe ne mâ-gechîpeu zai leisirawpeu chang ze nguageteiliapeu chang de lei; Pa benai Hakmonibe na Jehielbe ne heguang name bau je katinggeu de lei.

³³Ahithophelbe ne heguang je mâ-nguakageteipeu chang de lei, zai Arka’mpeu Hushaibe ne heguang-meripeu kangpeu chang de lei.

³⁴Ahithophelbe je Benaiabe na Jehoiadabe benai Abiatharbe ne pebâm ge leî kadai de lei. Joabbe ne heguang gu hereikang haîmuiteipeu chang de lei.