Read Zeme Naga 1 KRONIKIL 9 Bible Online

1 KRONIKIL 9 - Zeme Naga bible

1 KRONIKIL 9

¹Israelme ki rasam rawbe ge Israelme leine je teigut kam gai de lei; zai airamme ze Israelram gu Heguangme gu leisikuak ge raw gai lei. Zai Judame je â penui lungsangtewmakbe ziegene Babilon ge kebang hang teitat kai ’ndi lei.

²Zai namdi ramme ge penui bâm ramme ge lung dai ra wangraime bau ze â Israelme, tingkume, Lebime zai kellumki gu tâka’ngguame ramme de lei.

³Zai Judame, Benjaminme, Ephraimme zai Manasseme hanggesame Jerusalem ge lungme:

⁴Judabe na Perezbe chaname dage Omribe chapeu, Ammihudbe na Uthaibe ze penui ruage besuitewpeu lei. Pe chaname kêdabe kau ruage Imribe benai Banibe du bam lei.

⁵Zai Shilohme dagene patbe: Asaiabe meraipeu zai pe name,

⁶Zerabe dagene patme: Jeuelbe zai pe kiduîme ramme haî seruk ze riaksekui.

⁷Benjaminme dagene patbe: Hassenuabe na, Hodabiabe na, Meshullambe na Sallube,

⁸Ibeneiabe ze Jerohambe na lei, Elabe ze Uzzibe na lei, zai Uzzibe ze Mikribe na lei, zai Meshullambe ze Shephatiabe na lei, Shephatiabe ze Reuelbe na lei, Reuelbe ze Ibnijabe na lei.

⁹Zai rehei ka’ntibe sie gene wangkeube luigum ze penui kibaume riak ze haî sekui ze rengeu ze seruk lei. Airamme leine ze penui kichîngme ne rangbe gum ze, penui kichîngme ruage penui suitewme bau de lei.

¹⁰Tingkume ramme bamme: Jedaiabe, Jehoiaribbe, Jakinbe,

¹¹zai Hilkiabe na Azariabe, zai pe kichîngme ruage Meshullambe, Zadokbe, Meraiothbe zai Ahitubbe, Tingwang ki gu tâ-muipuapeu dilangpeu;

¹²zai Jerohambe na Adaiabe bam lei, Jerohambe ze Pashhurbe na lei. Pashhurbe ze Malkijabe na lei. Zai Adi-elbe na Maasaibe bam lei, zai Adi-elbe ze Jahzerabe na lei, zai Jahzerahbe ze Meshullambe na lei. Meshullambe ze Meshillemithbe na lei, Meshillemithbe ze Immerbe na lei.

¹³Chipau peireige du penui kiduîme, penui kichîngme ruage penui suitewme ramme, Tingwang ki gu tâ tewchi-kadesangme ziemmena chang kat ze haî sena ze riakseruk bam lei.

¹⁴Hasshubbe na Shemaiabe, Azrikambe na Hasshubbe, Hashabiabe na Azrikambe, aime bau lei; zai Hashabiabe na Azrikambe ze Meraribe chana’mpeu lei.

¹⁵Asapbe na, Zikribe na, Mikabe na, Mattaniabe;

¹⁶zai Jeduthunbe na, Galalbe na, Shemaiabe na Obadiabe zai Netophame ram ge bambe Elkanabe na, Asabe na, Berekiabe.

¹⁷Keriekemui reîme: Shallumbe, Akkubbe, Talmonbe, Ahimanbe, zai penui kiduîme (chige Shallumbe ne besuitewpeu de lei);

¹⁸tingbia ’mbia heguang keriekemui ge nemai riâ du bam de lei. Aime bau ze Lebime gu tejeîki gu keriekemui reîme bau de lei.

¹⁹Korebe na Shallumbe, Ebiasapbe na Korebe, aime bau Korabe kibaume zene kellumki gu tâ deu ge penui suitew ze penui peume ramme ne Tingwang gu tejeîki ge penui suitew ze kemuiki reî ze bamme gum ze tejeîki-ziêsua reî ze bam lei.

²⁰Tingtie ’ngkage penui peireige Eleazarbe na Phinehabe ne samram ze bam lei; Tingwang â pe dage bam lei.

²¹Meshelemiabe na Zekariabe â ka’nduibe gu paîki kemui ge kereîpeu lei.

²²Aime ’nteumena heguang ki-ziêsua reî ra kelânggaime ze haî na ze kereu ze kena lei. Penui ram ge penui ji ze reheime rasam ge teigut kai de lei. Dabidbe benai kemeu’mpeu Samuelbe je aipau tâtewbe bâm ge kai bei de lei.

²³Chigum ze penui benai penui name ramme â, Tingwang gu kellumki, chize hetiampaîki ge kereîme gum ze bam de lei.

²⁴Kemuiki reîme ze, tingbia, tingrun, tingpeî, zai tingpî mik medai ’mbia ge bam lei;

²⁵chige reîhâ ra bekak-kakge â penui ram ge penui kiduî chang ze bamme, hezie sena ’nsangne ge luakat wang gai ra chang lei;

²⁶kerie kemuireîbe ge besuitewme, Lebime hangmedai zene Hera ki gu hekisiâm ramme benai keruaki reî dadegeu.

²⁷Hera ki hia-hiage penui â bam lei; penui ne heki reî ze hechua ’nsangne ge ’ngkam lat ra penui je chau gai bei dadegeu.

²⁸Penui tâtewbe ge heli, hekuak, hepiak, teigut teipat ra ka’nnangbe ziegene chipau kerua ramme reî ra penui hanggesame je kai lei.

²⁹Penui ruage kêdabe kau ramme je â, kilûng gu kerua, zai heli, hekuak, hepiak ka’nchibe peireige zai dekuîmoîne yibe, wain, mâ-châdui, mâ-perîmyibe, zai perîmyibe reheumoîne peireige reî ra kai lei.

³⁰Kêdame Tingkume name ne hereumoîne kebut ze teleu ra,

³¹Kora’mpeu Shallumbe na meraipeu Lebime ruage hangkat Mattithiabe je tingku teleu ra kai lei.

³²Zai ’ntakbambe mai ’nsangne ge tingku ka’nchibe lang ra Kohathme zat gene penui kiduîme je kai lei.

³³Lebime gechîngme ki ramme ge besuitewme kellumki gu hekisiâm ramme ge bamme zene heleutewme bau chang de lei, kemuî, keba kellumki ge tâtew ra changbe ziegene penui je â, kêdabe tâ â tew ra pei mak lei.

³⁴Besuitewme Jerusalem ge bamme ne, rehei ’ntikeube tak luigum ze aime bau ze Lebime gechîngme ki ramme ruagene besuitewme bau de lei.

³⁵Gibeonbe peu Je-ielbe Gibeon ge bam lei, zai pe nâu ji ze Maakale lei,

³⁶zai pe na meraipeu ze â Abdonbe lei, zai pe chaikerêube kau ramme ze Zurbe, Kisbe, Baal, Nerbe, Nadabbe,

³⁷Gedorbe, Ahiobe, Zekariabe zai Miklothbe lei;

³⁸zai Miklothbe ze Shime-abe peu lei; zai aime hangna ze Jerusalem ge penai kiduîme dage kidâtew ze bam lei.

³⁹Nerbe ze Kisbe peu lei, Kisbe ze Saulbe peu lei, Saulbe ze Jonathanbe, Malkishuabe, Abinadabbe zai Eshbaalbe peu lei;

⁴⁰zai Jonathanbe na ze Merib-baalbe lei; Merib-baalbe ze Mikabe peu lei,

⁴¹Mikabe name: Pithonbe, Melekbe, Tahriabe zai Ahazbe lei;

⁴²zai Ahazbe ze Jarabe peu lei, zai Jarabe ze Alemethbe, Asmabethbe zai Zimribe peu lei; zai Zimribe ze Mozabe peu lei.

⁴³Mozabe ze Bine-abe peu lei, zai Bine-abe ze Rephaiabe peu lei, Rephaiabe ze Ele-asabe peu lei, zai Ele-asabe ze Azelbe peu lei.

⁴⁴Azelbe pe name hangseruk bam lei, zai penui ji ze airamme de lei: Azrikambe, Bokerube, Ishmaelbe, Sheariabe Obadiabe zai Hananbe; aime bau ze Azelbe name bau de lei.