Read Zeme Naga 2 KRONIKIL 22 Bible Online

2 KRONIKIL 22 - Zeme Naga bible

2 KRONIKIL 22

¹Zai Jerusalem ge bamme ne pe na henalangpeu Ahaziabe je pa kelei ge heguang hangge sum gai bei de lei; pe na chîngme bau je â ziemmena pe kiangna pungme, Arabme je ngua lu tejeîbâm ’mbe wangme bau zene tewchat kam ’ndi dadegeu. Chigum ze Judaram heguang Jehorambe na Ahaziabe ne heguangsap te lei.

²Ahaziabe â pa heguangchube ting ge pe kum hedai ze kena chang di de lei, zai Jerusalem ge pa ne kum kat heguang gai lei. Pe pui ji â Athaliale lei, chize Omribe chapui lei.

³Pa du Ahab ki tatbe ’mpuî ge tat kai lei, pe pui zene pechu helungriaksiabe tak gene tâtew ra nguakageteipui chang dadegeu.

⁴Ahab ki ne tewgaibe gum ze, Tingwang mikngau ge pa tâsiabe tew gai de lei; pe peu chaidibe châng dege â pechu tâtew mak ra penui ne nguagetei gai bei dadegeu.

⁵Penui ne mâ-geteiliabe ge pa du sui gai ze Ramoth-gilead ge Siriaram heguang Hazaelbe je herei ra Israelram heguang Ahabbe na Jehorambe tatbe ge pa du suitat ti de lei. Zai Siriame ne Jorambe je tewhejam gai bei de lei,

⁶zai pa Siria heguang Hazaelbe je herei ka’nggi ’ngka ge Rama gene pa hejamgailube jâm ze Jezril gene tew’mmi ra pa helatwang kadai de lei. Zai Jezril ge Ahabbe na Jorambe, pa ka’nrâ dadege, pechu ngau gai ra Judaram heguang Jehorambe na Ahaziabe wangkeu de lei.

⁷Kane Ahaziabe kâukeuderabe tak hangge pa Jorambe je hedau gai ra tatbe gezene chang de ra Hera ne teleugai’ndibe kau de lei. Pa chige wang dege, Ahab ki tew’nsia ra Tingwang ne teleugai’ndipeu Nimshibe na Jehube je hedau gai ra Jehorambe je ngua lu zuapat bei dadegeu.

⁸Zai Ahab ki peireige Jehube ne samram gai ze bambe luage Judaram gu heguangsinme benai Ahaziabe sikiname Ahaziabe je tinggeu ze bamme bau je pa kahedau de lei, zai pa ne penui je tewchat ’ndi de lei.

⁹Ahaziabe je pa ne peu de lei, zai Samaria ge pa ’mbai ze bambe luage pechu tuî ’ndi de lei, zai pechu Jehube tailam nguapat kai bei ze pechu tewchat ’ndi de lei. Penui ne, “Pa â Tingwang je pe lung leine ne peubepeu, Jehoshaphatbe chapeu de lei,” ze acheu bei dadege pechu bai gai ’ndi de lei. Dadege â Ahaziabe ki ge heguangram teichiduibe kau ziemmena mî de ga di de lei.

¹⁰Zai Ahaziabe pui Athaliale ze pe na chaidibe ngau lu dege â pa zuachu lu Juda heguang kiduîme leine je dei’nsia kam ’ndi de lei.

¹¹Kane heguang na heleu’mpui Jeho-shabe-athle ne, Ahaziabe na Joasbe je ngua ’ndi de lei, zai heguang name, tewchat kai kam ’nde ra changdime ruagene heguang na je pa ne hegatat ti de lei, dadege pa ne napoine je benai pechu ka’nsibe kau je jeibeki sîam ge kai ’ndi de lei. Chigum ze Jeho-shabe-athle, heguang Jehorambe na zai tingkupeu Jehoiadabe nâu ze pa â Ahaziabe kinapui dadege, pechu peize pa ne tewchatkaimakrabe hanggene Athaliale dagene pechu tei’mbia gai ’ndi de lei;

¹²dadege â Hera ki ge pechu tei’mbai gai bei ze pa penui dage kum seruk ’nnai ze bam de lei, Athaliale ne heram ge samram ze bambe ting gezeu