Read Zeme Naga 2 KRONIKIL 27 Bible Online

2 KRONIKIL 27 - Zeme Naga bible

2 KRONIKIL 27

¹Jothambe pa heguangchube ting ge pe kum ze ’ngkai ze mengeu di de lei, zai Jerusalem ge pa ne kum kereu ze seruk heguang gai lei. Pe pui ji â Jerushale lei, pa ze Zadokbe na lei.

²Pe peu Uzziabe ne tâ leine tewgaibeibe luigum ze Tingwang mikngau ge pa ka’nzeibe tew gai de lei, chize Tingwang gu kellumki peireige ’nggigaimakbe runne lei, kane ziemmena baudime ramme â keduaibe tâ ramme tew bam gerei lei.

³Tingwang ki gu ’nreibe kemui benai Ophel bam gu kerie ramme misongga pa ne tew gai de lei.

⁴Chipau peireige du Judaram gu peloaram ge namdi ramme, zai kerie kedibe ramme benai hekaloa peireige heki kehube ramme pa ne tew gai de lei.

⁵Pa ne Ammonme gu heguang dage herei’nggi ze penui je duî ’ndi de lei. Zai chipau tingkum ge Ammonme ne pechu gepût talent haî kat, dekuîmeu kor chang kereu zai barli chang kereu pei de lei. Ammonme ne pechu pakenabe kum benai pakechumbe kum ge du chipau riâ pei kadai de lei.

⁶Chidadege â Jothambe pa ne pe Rapeu Tingwang masuage tat’mmi ze tatbeibe ziegene pe ranchipat ti de lei.

⁷Zai Jothambe tâtewbe rasam kêdadabe ramme, zai pa kahereibe rasam benai pa bambe tak rasam ramme ze, pie le lau, Israelram benai Judaram gu heguangme gu leisikuak ge raw gai de lei.

⁸Pa heguangchube ting ge pe kum ’ngkai ze mengeu chang di de lei, zai pa ne Jerusalem ge kum kereu ze seruk kaheguang de lei.

⁹Zai Jothambe pe peume dage jeikeu gai di de lei, zai pechu Dabidbe gu namdi ge penui ne bai gai bei de lei; zai pe na Ahazbe ne pa kelei ge heguangsap te lei.