Read Zeme Naga EZRA 10 Bible Online

EZRA 10 - Zeme Naga bible

EZRA 10

¹Tingwang masua gene Ezrabe kellum ze hemui ralia ze hap ze, zai pe runne kâukeuliâ ze bambe luage ziemmena ’mpeumi ramme, zai hepui-hena baudi Israelram gene tuaguâwang wak te lei; baudime penui suisia ze hap-kadesang de lei.

²Chidadege Elambe chana kau, Jehielbe na Shekaniabe ne Ezrabe je, “Anui ne Hera dage lungsangtew ta di de lei, zai heram ge hepûmme dage henâu-hegai ze bam di de lei, kane chuna riâ du airamme acheu ze bam sedu Israelme hangge mâ-heguîrabe hang lamui rei lei.

³Chipauziegene Tingwang ne mâ-ranggaibe benai anui Rapeu gu samde ge kedun ze bamme bau ziegene aime henâu hang lube ’mpuimi ramme je gechaîtua dai ra anui Rapeu dage samhat anui ne tew gai kei lei; zai chize hingde luigum ze tew gai be lau.

⁴Chau, tew du lau, aize â nang ne tewrabe tâ de lei, anui ning dage la lei; ning ranchi ze tew du lau,” ze kacheu de lei.

⁵Chidadege â Ezrabe chu lu ze ranggaibeibe luigum ze tew ra pamerantewme tingkume benai Lebime zai Israelme leine je sam deseu ra teleu gai de lei. Chigum ze penui ne samhatbe tâ ze tew de lei.

⁶Chidadege â Ezrabe ze Tingwang ki masua gene zuapat lu ze teu de teu mak, zai sak de sak mak ze pa tingmuî rêube bâm Eliashibbe na Jehohananbe kisîam ’mbe tat ti de lei; heram gene keli’ndime penui keneibe gadibe hangge pa desui ze bam dadegeu.

⁷Heram gene keli ’ndi ze wangkadaime leine Jerusalem ge wangherua ra Juda benai Jerusalem ge sam rangba gai de lei,

⁸zai tâ-muipuame benai gechîngme gu samdiegaibe gene mige hezie kechum lung gene wangmakme je â ’ntane tewhereu gai ra, zai keli’ndime gu ka’nduibe ge wang ta ra sam rangba gai de lei.

⁹Chidadege â hezie kechum lung gene Jerusalem ge Juda benai Benjamin ge bamme ziemmename ramme wang’ndui gai de lei; chize hekêu pasekuibe kêu ge hezie pa’ngkaibe mai ge de lei. Aipau deu gene zai tingruibe ziegene Tingwang ki ziêsua ge baudime ka’ntaume leine kedun ze bam de lei.

¹⁰Dadege tingkupeu Ezrabe ne sapchu lu penui je, “Ningnui ne hede’ngka ze hepûmme je henâu-hegai gai bei de lei, chize Israelme gu tâtewmaube pungpatbi-bi ze bam lei.

¹¹Chidaze chunage Tingwang ningnui paume Rapeu dage ningnui tâ-kesiabe tewbe ralia ze pa ne keneibe tâ tew ze bam du lau; heram gu ziemmena zat ramme dagene zai hepûmme henâu ramme dagene ningnui runne bamchâm de lau,” kacheu de lei.

¹²Chidadege â wangka’nduime leine ne penui rankai ze, “Chize kacheube kau de lei, nang ne ranggaibe luigum ze anui ne tew sing ra de lei.

¹³Kane ziemmename kie’mpia de da, zai tingruichibe ting gerei daseu; hela keloaning ge â anui sapchi lak kerei de lei. Aize tingnaimikpui kat benai kena ne tewrabe tâ du mak kerei de lei; anui ne aipau deu ge tâ tewmau’ngkie-desang gai ne rei daseu.

¹⁴Anui gu tâ-muipuame ramme ne baudime gechu hangge peize saplia du lau; mi-mige ’mpeumi anui gu namdi ramme ge hesangkedeume je henâu kahegaime ramme zene diegaibe hî tit ge peiwang gai du lau, zai anui dagene aipau deu ge anui Rapeu lumpum kechibe ’mbia gai demak tâne peize namdi ge gechîngme benai samramme ne penui je ngua lu ze baudime hangge sapliâ gai du lau,” ze acheu ze ka’nrung lei.

¹⁵Aipau deu ge Asahelbe na Jonathanbe benai Tikbabe na Jahzeiabe runne chap te lei, zai Mashullambe benai Lebi’mpeu Shabbethaibe ne gu de lei.

¹⁶Chidadege heram gene keli’ndime helatwangkadaime ne chigum ze tew de lei. Tingkupeu Ezrabe ne penui peuna lam ge besuitewme ramme je kelângpat kai lu penui ji teichu gai de lei. Hekêu pakereube kêu gu hezie raîlangbe mai ge chipau deu ge mâ-’nning ra penui ’ntauherua gai de lei;

¹⁷zai hekêu raîlangbe kêu gu hezie raîlangbe mai ge ’mpeumi ramme ne hepûmme je henâu kahegaibe deu ze penui teleu’nchi gai de lei.

¹⁸Tingkume chaname ruagene hepûmme dage henâu-hegai ze laleume: Ma-aseiabe, Eliezerbe, Jaribbe, zai Gedaliabe, penui ze Jeshuabe benai pe sikiname chaname, Jozadakbe name bau de lei.

¹⁹Penui ne penui nâu ramme je tatuâ dai ra deseu gai ra hat te lei, zai penui gu kemaube-râtewbe hangge pekau hang melidung ruage kemei’nsei tei de lei.

²⁰Immerbe chaname ruagene, Hananibe benai Zebadiabe de lei.

²¹Harimbe chaname ruagene Ma-aseiabe, Elijabe, Shemaiabe, Jehielbe, zai Uzziabe de lei.

²²Pashhurbe chaname ruagene, Elio-enaibe, Ma-aseiabe, Ishmaelbe, Nethanelbe, Jozabadbe zai Elasabe de lei.

²³Lebibe chaname ruagene, Jozabadbe, Shime-ibe, Kelaiabe (chize Kelitabe lei), Petha-hiabe, Judabe zai Eliezerbe.

²⁴Kemuireîme chaname, Shallumbe, Telembe, zai Uribe.

²⁵Israelbe chaname ruage, Paroasbe chaname Ramiabe, Izziabe, Malkijabe, Mijaminbe, Eleazarbe, Hashabiabe, zai Benaiabe.

²⁶Elambe chaname, Mattaniabe, Zekariabe, Jehielbe, Abdibe, Jeremothbe, zai Elijabe.

²⁷Zattube chaname, Elio-enaibe, Eliashibbe, Mattaniabe, Jeremothbe, Zabadbe, zai Azizabe.

²⁸Bebaibe chaname bau ze â Jehohananbe, Hananiabe, Zabbaibe, zai Athlaibe lei.

²⁹Banibe chaname bau ze â, Meshullambe, Mallukbe, Adaiabe, Jashubbe, Shealbe, zai Jeremothbe lei.

³⁰Pahath-moabbe, chaname ruage, Adnabe, Kelalbe, Benaiabe, Ma-aseiabe, Mattaniabe, Bezalelbe, Binnuibe, zai Manassebe lei.

³¹Harimbe chaname ruage, Eliezerbe, Isshijabe, Malkijabe, Shemaiabe, Shime-onbe,

³²Benjaminbe, Mallukbe, zai Shemariabe lei.

³³Hashumbe chaname ruage, Mattenaibe, Mattattabe, Zabadbe, Elipheletbe, Jeremaibe, Manassebe, zai Shime-ibe lei.

³⁴Banibe chaname ruage, Ma-adaibe, Amrambe, Uelbe,

³⁵Benaiabe, Bedeiabe, Keluhibe,

³⁶Baniabe, Meremothbe, Eliashibbe,

³⁷Mattaniabe, Mattenaibe, Jaasube.

³⁸Binnuibe chaname ruage, Shime-ibe,

³⁹Shelemiabe, Nathanbe, Adaiabe,

⁴⁰Maknadebaibe, Shashaibe, Sharaibe,

⁴¹Azarelbe, Shelemiabe, Shemariabe,

⁴²Shallumbe, Amariabe, zai Josepbe lei.

⁴³Nebobe chaname ruage, Je-ielbe, Mattithiabe, Zabadbe, Zebinabe Jaddaibe, Joelbe zai Benaiabe lei.

⁴⁴Aime bau zene hepûmme ramme je nguakelaktew de lei, zai penui nâu ramme je tatuâ ze penui name je sâu gai kam gai bei de lei.