Read Zeme Naga NEHEMIA 10 Bible Online

NEHEMIA 10 - Zeme Naga bible

NEHEMIA 10

¹Penui gu ka’nchatbe ramme tewgaime ze â Hakaliabe na laksaibe changbepeu, Nehemiabe, Zedekiabe,

²Seraiabe, Azariabe, Jeremiabe

³Pashhurbe, Amariabe, Malkijabe,

⁴Hattusbe, Shebaniabe, Mallukbe,

⁵Harimbe, Maremothbe, Obadiabe,

⁶Danielbe, Ginnethonbe, Barukbe,

⁷Mashullambe, Abijabe, Mijaminbe,

⁸Ma-aziabe, Bilgaibe, Shemaiabe; aime tingkume bau de lei.

⁹Zai Lebime ruagene: Azaniabe na Jeshuabe, Henadadbe, chana ’mpeu Binnuibe, Kadmi-elbe;

¹⁰zai penui puiname, Shebaniabe, Hodiabe, Kelitabe, Pelaiabe, Hananbe,

¹¹Mikabe, Rehobbe, Hashabiabe,

¹²Zakkurbe, Sherebiabe, Shebaniabe,

¹³Hodiabe, Banibe, Beninube.

¹⁴Baudime ruage besuitewme: Parosbe, Pahath-moabbe, Elambe, Zattube, Banibe,

¹⁵Bunnibe, Azgadbe, Bebaibe,

¹⁶Adonijabe, Bigbaibe, Adinbe,

¹⁷Aterbe, Hezekiabe, Azzurbe,

¹⁸Hodiabe, Hashumbe, Bezaibe,

¹⁹Haripbe, Anathothbe, Nebaibe,

²⁰Magpiasbe, Meshullambe, Hezirbe,

²¹Meshezabelbe, Zadokbe, Jaddu-abe,

²²Pelatiabe, Hananbe, Anaiabe,

²³Hoshiabe, Hananiabe, Hasshubbe,

²⁴Hallohesbe, Pilhabe, Shobekbe,

²⁵Rehumbe, Hashabnabe, Ma-aseiabe,

²⁶Ahiabe, Hananbe, Ananbe,

²⁷Mallukbe, Harimbe, Baanabe.

²⁸Ziemmena leine, tingkume, Lebime, kemuireîme, heleutewme, kellumki guâ ka’ngguame, zai Hera gu hingde ge bam ra heram deiname dagene penui runne bamchâmdime leine, penui nâu, penui name, penui na ’mpeumi ’mpuimi ramme, mâ-gechîbe benai ’nningchiduibe bamme leine ne,

²⁹penui ruage pengêudime, penui puiname je herua lu ze, zai desetkaibe ge benai samhatbe Hera guâ ka’ngguapeu Mosabe ne peigaibe Hera gu hingde ’mpuî ge tat ra, zai anui Wangpeu Tingwang gu samdiegaibe ramme benai pe gu tew’ntiplube hingde ramme, zai rawgaibe hingde ramme rei ra, zai chiramme leine tew ra hat kai de lei.

³⁰Anui na ’mpuimi ramme je heramdeiname dage pei gai ra mak, zai anui na ’mpeumi ramme hangge penui na ’mpuimi ramme je anui lu ra mak lei;

³¹zai heramdeiname ne penui gu merua ramme mei nune chêu mei ze ’ntakbambe mai ge zua ra teiwang lêuzai du, anui â ’ntakbambe mai ge benai ka’nchibe mai ge â penui dagene lui ra mak lei; zai pasenabe kum gu mâ-hîmra â anui sâu gai zai hekum bambe leine sâu gai kam ’ndu lei.

³²Anui Rapeu ki guâ ’ngguarabe hangge shekel kat ge dauchum ze kum’nsangne ge pei ra anui runne anui peireige samria gai de lei.

³³Pualiabe tingku hangge, nai’nsangne mâ-hîmra peipatbe hangge, nai’nsangne kerube-râtewbe hangge, ’ntakbambe mai ramme hangge, keuhâ mai ramme hangge riagai’ndibe-ngi ramme hangge, ka’nchibe merua ramme hangge, zai Israelme hangge hemui tewkuak kairabe hangge, zai anui Rapeu ki tewrabe leine hangge zeu.

³⁴Chigum ze hingde ge rawgaibe luigum ze anui Rapeu Tingwang gu herâtewbe-kaira ge rûrabe hangge pehî diegai’ndibe geze, patingkum ’nsangne ge mi kiria chai sui ze anui Rapeu ki ge heching kela peipatrabe hangge tingkume, Lebime, baudime anui ruagene hedachak ka’nsui de lei.

³⁵Tingwang ki ge patingkum ’nsangne anui kedei rachî raîlangbe ramme benai hêchîbang ’nsangne gu perachî raîlangbe ramme leine teiwang himchang ra anui runne anui hangge die gai de lei;

³⁶zai hingde ge rawgai’ndibe luigum ze anui na ’mpeumi meraibe ramme benai anui gu kaurui ’nnakeuraibe ramme ze anui Rapeu ki ge ka’ngguame tingkume dage teiwang gai ra, dezai mi gu kebuidung benai melidung ruage ’nnakeuraibe ramme peipatkairabe hangge du anui ne samria gai de lei;

³⁷zai anui gu dekuî hetak keraîbe, zai anui kela peigaibe ramme, hêchîbang leine rachî, wain benai taudui ze tingkume dage anui Rapeu gu hekisiâm ramme ge teiwang gai ra anui ne ria gai de lei; zai anui gu hênamram keloa ramme leine ge Lebime ne kereu ge kat haka’ndui daze, anui gu kedei rachî gu kereu ge kat ramme ze Lebime dage pei gai ra ria gai de lei.

³⁸Zai Lebime ne kereu ge kat ramme lube luage, Aaronbe na tingkupeu ze Lebime dage bam ra lei; zai Lebime ne kereu ge kat ramme gu kereu ge kat ze anui Rapeu ki ge hekisiâm ramme ge, ’nseuki ge teiwang gai ra lei.

³⁹Kakellumbeki gu heli ramme, zai tingkume chige ka’ngguame, zai kemuiki reîme benai heleutewme bambe kisîam ramme ge Israelme benai Lebibe chaname ne hemeurachî, wain, zai mâ-châ kela peibe ramme teiwang gai ra lei. Anui Rapeu ki ze anui ’nning kelam ra mak lei.