Read Zeme Naga NEHEMIA 12 Bible Online

NEHEMIA 12 - Zeme Naga bible

NEHEMIA 12

¹Aime ze Shealtielbe na Zerubbabelbe benai Jeshuabe je nguahangme tingkume benai Lebime bau de lei: Seraiabe, Jeremiabe Ezrabe,

²Amariabe, Mallukbe, Hattusbe,

³Shekaniabe, Rehumbe, Meremothbe,

⁴Iddobe, Ginnethoibe, Abijabe,

⁵Mijaminbe, Ma-adiabe, Bilgabe,

⁶Shemaiabe, Joiaribbe, Jedaiabe,

⁷Sallube, Amokbe, Hilkiabe, Jedaiabe. Aime bau zene Jeshuabe ting ge tingkume benai penui puiname ruage besuitewme bau de lei.

⁸Lebime: Jeshuabe, Binnuibe, Kadmi-elbe, Sherebiabe, Judabe, zai pe puiname je ngua lu ze getoabe leu ramme tewbe ge rezieteipeu Mattaniabe.

⁹Zai chi ka’ngguabe ge penui puiname Bakbukiabe benai Unnobe sapda ze bam de lei.

¹⁰Zai Joshuabe ze â Joiakimbe peu lei, Joiakimbe ze â Eliashibbe peu de lei, Eliashibbe ze â Joiadabe peu de lei,

¹¹Joiadabe ze â Jonathanbe peu de lei, zai Jonathanbe ze â Jaddu-abe peu de lei.

¹²Joiakimbe tingku dilangpeu changbe ting ge penui kibaume ramme ruage aime ze besuitewme tingkume ramme de lei: Tingkume pe kiria- Meraiabe, Seraiabe, Hananiabe, Jeremiabe, Meshullambe, Ezrabe, Jehohananbe, Amariabe, Jonathanbe, Mallukibe, Josepbe, Shebaniabe, Adnabe, Harim Helkaibe, Meraiothbe, Zekariabe, Iddobe, Meshullambe, Ginnethonbe, Zikribe, Abijabe, Miniaminbe, Piltaibe, Moadiabe, Shammu-abe, Bilgabe, Jehonathanbe, Shemaiabe, Mattenaibe, Joiarib, Uzzibe, Jedaia, Kallaibe, Sallai, Eberbe, Amok, Hashabiabe, Hilkiabe, Nethanelbe, Jedaiabe.

²²Eliashibbe, Joiadabe, Johananbe, zai Jaddu-abe, ting ge penui kiria ge besuitewme, Lebime deu ge rawgaika’nduibe lamui lei; zai chigum ze Persia’mpeu Dariabe ne kaheguangbe ting riâ chang ze tingkume deu ge du raw gai lamui lei.

²³Lebibe chaname penui kibau-bau ge besuitewme ramme ze â Eliashibbe na Johananbe, ting chang ze Rehei Ka’ntibe Leisi (Kronikil) ge raw gai de lei.

²⁴Zai Lebime ruage besuitewme: Hashabiabe, Sherebiabe, zai Kadmi-elbe na Jeshuabe, penui puiname je nguarehei lu ze ’nchet hî ’nsangne helei ze tew’nduâtat bamrabe hangge Hera gu ziemmena Dabidbe ne samdiegaibe luigum ze Hera je toa ze hesuiyibe pei gai ra pei gai de lei.

²⁵Mattaniabe, Bakbukiabe, Obadiabe, Meshullambe, Talmonbe, zai Akkubbe ziegene kemuiki hia ramme ge merua kaika’nduibeki ramme reî ze sapkua ze bam-bamme bau, kemuiki reîme bau de lei.

²⁶Airamme ze Jozadakbe na Jeshuabe na Joiakimbe ting ge, zai laksaibe Nehemiabe benai tingkupeu zai leisirawpeu Ezrabe ting ge de lei.

²⁷Zai Jerusalem kerie diepat’nchigaibe ge hesuiyibe gene misuiyibe sam pau gai ze toabe leutewbe gene, ’ntoî ramme, ’nra ramme, zai ’nrabung ramme tei lu ze diepat’nchigaibe-ngi hengîlerabe hangge Lebime je Jerusalem ge nguawang gai ra Lebime je penui bambe bâm ’nsangne gene peu de lei.

²⁸Zai heleutewme chaname Jerusalem lungguâbe gene benai Netophah hiage keloa ramme bambe gene zuawangka’ndui de lei;

²⁹Beth-gilgal gene zai Geba benai Asmabethram ’mbene du wang de lei; Jerusalem ’mpa hia-hiage tumguâ ze heleutewme â penui keloa ramme tew gai ’ndi daseu.

³⁰Zai tingkume benai Lebime penui runne penui je tew’nchi gai de lei; zai penui ne baudime benai kemuiki ramme, zai kerie-riebe ze tew’nchi gai de lei.

³¹Chidadege Judaram ge besuitewme je kerie peireige I ne nguachu lu ze Hera je toa ze ’nzang ra baudi kena kelâng gai bei de lei. Bâu kat ne hezat’mbia kerie peirei gene tat ze Kera Kemui ’mbe tat te lei;

³²zai penui chaige Hoshaiabe benai Judaram ge besuitewme pa’mpi riâ,

³³zai Azariabe, Ezrabe, Meshullambe,

³⁴Judabe, Benjaminbe, Shemaiabe, zai Jeremiabe suitat te lei,

³⁵zai hegeîluîkie teime, tingkume name hanggesame: Zekariabe, chize Jonathanbe na, Shemaiabe cha, Mattaniabe cha, Mikaiabe cha, Zakkurbe cha, Asapbe cha lei;

³⁶zai pe kiriame, Shemaiabe, Azarelbe, Milalaibe, Gilalaibe, Maaibe, Nethanelbe, Judabe, zai Hananibe, Hera gu ziemmena Dabidbe gu heleu’mmung kaibe merua ramme tei lu ze suitat te lei; zai leisirawpeu Ezrabe ne penui suage tat te lei.

³⁷Duidepin Kemui ge penui suage ’nzeitun ze Dabidbe gu namdi gu desua sat ramme gene kerie ge keuchube Dabid ki peireige naimikpat ’mbia Hedui Kemui ’mbe penui tat-hang de lei.

³⁸Hera je toabe peigaime pakenabe bau ze â heku’mbia tat ti de lei, zai baudime pa’mpi je I ne ngua lu ze penui chai suitat te lei, kerie peireige hemang ramme, Hekihube peireige, kerie Peditdibe lam’mbe tat te lei,

³⁹zai Ephraim Kemui peireige, zai Perie Kemui hia tat kai ze, zai Hekâ Kemui tat kai ze, Hananel Hekihube benai Haîme gu Hekihube tat kai ze, Meli Kemui ’mbia tat kai de lei; zai Hekêtkaime gu Kemui riâ tatchang gai dege penui sau gai di de lei.

⁴⁰Dadege Hera je toame bau na Hera ki ge gut ze sap te lei, zai I benai a dage besuitewme pa’mpi riâ bamme;

⁴¹zai tingkume, Eliakimbe, Ma-aseiabe, Miniaminbe, Mikaiabe, Elio-enaibe, Zekariabe, zai Hananiabe, hegeîluîkie ramme tei lu ze bam de lei;

⁴²Zai Ma-aseiabe, Shemaiabe, Eleazarbe, Uzzibe, Jehohananbe, Malkijabe, Elambe, zai Ezerbe, aime ze du bam de lei. Zai heleutewme ze â Jezrahiabe ne penui je kanguapeu chang lu ze heleutew de lei.

⁴³Zai chipau mai ge herâtewbe kedibe misongga ze peipat kai ze penui suiyi’nta ze bam de lei, hesuiyi ka’ndibe gene ’ntakediâu ze bam ra Hera ne penui hang tew gai bei daseu; ’mpuimi ramme benai napoine ramme ze du hesuiyi’nta ze bam de lei. Zai Jerusalem ge suiyika’ntabe ’ncheu ze kedeu ’mbene du seu de lei.

⁴⁴Chipau mai geze merua kai’nduigaibeki ramme, kela peipatbe ramme, hêchi keraîbe ramme, kereu ge kat ramme hingde ge kai’ndibe luigum ze, namdi ramme gene helu rachî ngaube chai sui ze tingkume benai Lebime gu hedam hangge kai’nduigairabe hekisiâm ramme peireige besuitewme je ling gai de lei; kanguame tingkume benai Lebime peireige Judaram ne hesuiyibe bamdibe ziegeneu.

⁴⁵Zai Dabidbe benai pe na Solomonbe ne diegaibe luigum ze penui Rapeu guâ ka’ngguabe benai tewka’nchibe tâka’ngguabe ze penui ne tew de lei, zai heleutewme benai kemuikireîme ne du chigum ze tew de lei.

⁴⁶’Ndâge Dabidbe benai Asapbe ting ge heleutewme ruage besuitewpeu bam, zai Hera je getoabe benai hesuiyibe paugaibe leu ramme bam daseu.

⁴⁷Dadege Israelme leine Zerubbabelbe ting ge benai Nehemiabe ting ge nai’nsangne heleutewme benai kemuikireîme je peirabe hedam ramme ze pei ze bam de lei; zai penui ne Lebime hangge peirabe ze â lupatchâm gai de lei; zai Lebime zene Aaronbe chaname hangge lupatchâm gai de lei.