Read Zeme Naga GETOABELEU 101 Bible Online

GETOABELEU 101 - Zeme Naga bible

GETOABELEU 101

¹Lungsang peigaibe benai ka’nzeibe tewgaibe ge I heleutew gai gu lei; ningchu I, Hei Tingwang gau, leutew gai gu lei.

²Hetiakgabe ’mpuî hangge I ’ntîngteî ze bam gu lei. Hei ’ndaitewbe luage nang a lam wang ra lau? A kilûngkang ge helung kaheluabe gene I tat ze bam gu lei;

³mâ-mâ peruânggabe zat ze a masuage I kai ra mak lei. Kâukeudime gu tatew ramme ze â I ngaugailak lei; chize achu ’nnaitâu gai ra mak lei.

⁴Helung hekailakme a dagene deutâu ze bam du lei; I â kesiabe mâ de chî ra mak lei.

⁵Reine ze pe kiningme je kakeraibe kau je I ne tew’nsia ’ndu lei. Gechîrettewbe benai katîmphibe luilungpungbe kau je I gesut ra mak lei.

⁶Heram lungge lungsangtewme peireige I ne ’nchâ ze pie gai gu lei, chidezai penui a dage ngualungherua le ra hangge zeu; pa benai mi-mige hetiâkgabe ’mpuî ge tatbe kau zene a guâ ’nggua ze bam gu lei.

⁷Mi-mige choateube tâ tewbe kau â, a ki ge lung ra mak lei; mi-mige du karasasabe kau â, a masuage pa bam bam ra mak lei.

⁸Hechua ’nsangne heram lungge helungriaksiame leine je I ne tew’ngga kam ’ndu lei, Tingwang gu namdi gene kesiabe tâ tewme leine je kelitua zeu.