Read Zeme Naga GETOABELEU 11 Bible Online

GETOABELEU 11 - Zeme Naga bible

GETOABELEU 11

¹Tingwang ge I ’nseu gai lei; ’ndaigum ze ningnui achu, “’Nruine gum ze kedeiloa ramme ge liamtat chu lau;

²pie gai ni lau, helungriaksiame ne bai’mpi’nsung ze la de lei, tingmuî ge ziemmena ka’nzeime ’nnung ge kap kai ra bai’mpireu ge penui gu hetu ’ndua zun lu la de lei;

³pedimpung ramme tew’nsia ’ndizai â pelingtewme ’ndaikau tewchi dai ra lau,” ze acheuchi ra lau?

⁴Tingwang â pe gu kellumki ka’nchibe ge la lei, Tingwang gu heguang-bamrak â tinggîm ge la lei; pe mik ne ziemmename name ramme je hezêupierua lei, zai pe mik ne penui je ’nchetrua lei.

⁵Tingwang ne pelingtewme benai kesiame je kakedak lei, zai katîmphibe tâ tewbe kau je pa ne ngaugailak lei.

⁶Helungriaksiame peireige pa ne hemi mechingkâng benai hemi heu taube ne ruikeu ra tew gai gu lei; tingkai kelumbe ne pa ne penui je tewsâ gu lei.

⁷Tingwang â kapelingbe kau dadege, pa ne kapelingbe tatew ramme je hung lei; pelingtewme ne pe ju ngau gu lei.