Read Zeme Naga GETOABELEU 110 Bible Online

GETOABELEU 110 - Zeme Naga bible

GETOABELEU 110

¹Tingwang ne a gu heguang suage: “A hezat’mbia ge ’ntau lau, ning teureime je ning pichaî hangge I tew gai mak tâneu,” ze kacheu de lei.

²Tingwang ne Zaion gene ning gu langsiutui langpat kai lei. Ning teureime zuilung ge samram ze bam lei!

³Ka’nchibe deiloa ramme ge nang ne ning gu baudime je ngua ze bambe mai ge ning gu baudime ne penui runne penui je ’ntane penui suiyi ze peipat ku lei. Hechua barabelia gene kezikdui bambe gum ze ning gu peranchime hename ramme ning dage wang gai gu lei.

⁴Tingwang ne deseu gai ’nde lei, zai pe lung keli dai ra mak lei, “Nang â betingbeta hang tingkupeu de lei, Melkizedekbe dagene wangkeube luigum zeu,” ze acheu zeu.

⁵Tingwang â nang hezat’mbia ge la lei; pa ne pe râtabe mai ge heguangme je tewhitruai gai gu lei.

⁶Pa ne heramzatme ruage samrambe tâ tew gai gu lei, hereipung bâm ramme kechaipum ramme ne tuâpuiting gai zeu; kedeirei luî pelane ge besuitewme je pa ne tewhitruai gai gu lei.

⁷’Mpui’ntaige ’nggeutenane gene pa sak ku lei; chipauziegene pa pe peî ze ’ngngangchu gu lei.