Read Zeme Naga GETOABELEU 112 Bible Online

GETOABELEU 112 - Zeme Naga bible

GETOABELEU 112

¹Tingwang je toa lau. Tingwang je hingchibe kau ze yi de lei, pe gu hingde ramme ge helungsuiyibe kau zeu!

²Pehaîhikme â heram ge penui ranchi ze bam gu lei; ka’nzeibe kau rehei je â ’nnam gai bu lei.

³Mi heurâ benai keheube ze pe ki ge bam lei; zai pe gu kapelingbe â betingbeta bam bam lei.

⁴Ka’nzeime hangge â kemuîbe ge kebabe zuachu lei; Tingwang â pa ’nggiadi, ngau’nggiachi zai kapeling lei.

⁵Ziemmena mâ-’nningtinggeu ze hepuk ra peichime ze yi de lei, pe tatew leine ge ka’nzeibe gene tâtewbe kau zeu.

⁶Kapelingme je â mâtew-tewsedu tew’ngngai ra mak lei; betingbeta pechu chibam gu lei.

⁷Mâ-kesiabe rasam peireige pa â hing mak lei; pe lung â ’ntiprip ze bam lei, Tingwang dagene ’nnumtew lu zeu.

⁸Pe lung ge â tebisi ze bam lei, pa â mâ de hing ra mak lei, pechu ka’nggime peireige pa ngauteupat mak tâne aî.

⁹Pa ne ’ntane ’nzirua gai de lei, kelaksiame je pa ne pei gai de lei; pe gu kapelingbe â betingbeta bam bam lei; pe gu mâkie je â toa’ndi gai de lei.

¹⁰Helungriaksiapeu ne chize ngau lu ze pe lumpum lei; pe geu kegit ze hui’ngga gai di de lei; ziemmena helungriaksiabe kau gu mâ-ka’nchâbe zat ze â, mâ-tâuhang ga gai di tai lei.