Read Zeme Naga GETOABELEU 114 Bible Online

GETOABELEU 114 - Zeme Naga bible

GETOABELEU 114

¹Ijip gene Israelme, Jakobbe kiria ze helad gechâmme dagene zuapat dege,

²Juda zene pe gu kakellumbeki chang di, zai Israel zene pe gu heguangram chang di de lei.

³Sungkling zene pie gai lu ze paktat ti de lei, Jordan ze hechai’nnuktat ti de lei.

⁴Kedeiloa ramme ze meli’nsei ramme gum pakkedingrua, zai peloa hube ramme ze melipoine ramme gum ze pakkedingrua de lei.

⁵’Ndaikau ne tewhereu bei ze, Hei sungkling gau, nang pak lau? Hei Jordan gau, ’ndaikau ne tewhereu bei ze nang ’nnuktat lau?

⁶Hei kedeiloa ramme, ningnui meli’nsei ramme gum ze pakkedingrua bambe zeu? Hei peloa hube ramme, ningnui meli ramme gum ze bambe zeu?

⁷Tingwang bambe bâm ge kedun ze bam zu lau, Hei kedeirei gau, Jakobbe Rapeu,

⁸tingchukâng ze ’ngkiêzai chang ra tewgaipeu, zai chusangkâng ze hedui depin chang ra tewgaibeipeu bambe bâm gezeu.