Read Zeme Naga GETOABELEU 12 Bible Online

GETOABELEU 12 - Zeme Naga bible

GETOABELEU 12

¹’Ngnga gai lau, Tingwang gau; Hera je keneime mî de ga de lei; lungsangtewme ziemmename name ruagene ga gai kam de lei.

²Haimena ne penui kiningme dage karasa ’nnia ne sa de lei; duaichibe mui benai suî na lungtak pungbe ne penui sam sa lei.

³Peize Tingwang ne duaichibe muizua leine keruptua ne lau, kedikuâ-kuachibe leiria zeu,

⁴“Anui leiria ne naî kam gu lei, anui leiria anui pung la lei; anui peireige châu la lau?” kacheume bau peireige zeu.

⁵“Kelaksiame je sutbeibe ziegene, zai kegame je tew’nragaibeibe ziegene chuna I zuachu gu de lei,” ze Tingwang ne kacheu de lei; “Pa ne neibe, zeûne bambe bâm ge pechu I ne kai gu lei,” zeu.

⁶Tingwang gu samhatkaibe ramme â, samhatkaibe ka’nchibe kau ramme lei, kungki ge gepût lua sena rû’nchiwanggai’ndibe riâ ka’nchibe kau lei.

⁷Hei Tingwang gau, nang ne anui je nguada lau, aipau rehei gene nang ne anui je sapda bam lau.

⁸Helungriaksiame ne pemik ’nsangne ge tuarumrua ze la lei, ziemmename name ruage mi ka’nseîbe ramme peireige ’nning’ndi gai ze bam dadegeu.