Read Zeme Naga GETOABELEU 121 Bible Online

GETOABELEU 121 - Zeme Naga bible

GETOABELEU 121

¹Peloa ramme ge I a mik rak’ngngangchu gai de lei. A hang ka’ngngâbe ’ndaigene wang lau?

²A hang ka’ngngâbe Tingwang dagene wang lei, tinggîm benai kedei tewgaipeu zeu.

³Pa ne ning pî tew’ngngai ra pei ra mak lei, ningchu reîpeu ze jeihungkeu ra mak lei.

⁴Pie gai ni lau, Israel je kereîpeu ze, pa â ’ngngui ra mak, zai jei ra mak lei.

⁵Tingwang â ningchu kereîpeu lei; nang hezat’mbia ba ge Tingwang â ningchu sapsungpeu lei.

⁶Kebabe ting ge tingnaimik ne ningchu tewhereu ra mak, zai kemuîbe ting ge hekêu ne ningchu tewhereu ra mak lei.

⁷Kesiabe leine gene Tingwang ne ningchu hereiheka gai gu lei; ning pum keringbe ze pa ne hereiheka gai gu lei.

⁸Nang tat ze wangbe ge chuna gene seu ze betun dai ta di ze Tingwang ne ningchu hereiheka gu lei.