Read Zeme Naga GETOABELEU 124 Bible Online

GETOABELEU 124 - Zeme Naga bible

GETOABELEU 124

¹Tingwang, anui lam ge bampeu ne mak nung laîzai, chunage Israelme je peize sa gai lau—

²ziemmename ne anui je ’nggi ra zuachube luage, Tingwang anui lam ge bampeu ne mak nung laîzai â,

³penui ne anui je ’nring’nzua ’ndu de lei, anui peireige penui râta-kadesangbe luage zeu;

⁴dui naîwangbe ne anui je biaktua ’ndu de lei, dui teleuchibe ne anui peirei gesuâktat tu de lei;

⁵dezai hedui cheuchibe ne anui peireige gesuâktat tu de lei.

⁶Tingwang je peize yi lau, anui je ’ngkîchat lu teu ’nde ra hang peigaimakpeu jeu!

⁷’Nruipoine ’mpia tewme gu ’mpia gene ’nruine kat mi’mput’ndibe gum ze anui ’nreipat lu de lei; chi ’mpia ze tew’nsia ’ndi de lei, zai anui ’nreipat ti de lei!

⁸Anui hangge ka’ngngâbe ze â Tingwang ji ge la de lei, ting benai kedei tewgaipeu zeu.