Read Zeme Naga GETOABELEU 129 Bible Online

GETOABELEU 129 - Zeme Naga bible

GETOABELEU 129

¹“I hena ze bambe ting gene penui ne achu tega ze tewsâ-desang de lei,” chunage Israelme ne peize salia gai du lau—

²“I hena ze bambe ting gene penui ne achu tewsâ-desang de lei, acheusedu achu penui ne naîchim mak lei.

³Helu kedeipume ne a ching ge pu gai de lei; pebakmiê tewbang tewbang gai de lei,” acheu zeu.

⁴Tingwang â kapelingpeu de lei; helungriaksiame gu kebangria ramme pa ne râmtap kai bei de lei.

⁵Zaion je ngaugailakme leine je peize ’ngngam ze ’nnuktat te ra tew gai be lau!

⁶Heki’mpûm ramme ge hereubang ramme bambe gum ze penui je peize bam lau, chîngpatrabe suagene hegui ze kîgaidaidibe hereubang ramme

⁷rumpeu ne pe ba ne teitâulakbe, makchai bekît kang lu ze teitatmakbe hereubang zat ramme zeu,

⁸chipau luage tatpelapatme ne, “Tingwang’nnamgaibe ze ning peireige peize bam lau, Tingwang ji gene ningchu anui ’nnam gai lei!” ze acheumakrabe hangge zeu.