Read Zeme Naga GETOABELEU 13 Bible Online

GETOABELEU 13 - Zeme Naga bible

GETOABELEU 13

¹Hei Tingwang gau, ’Ndaitiege nang ne achu chita di bam ra rei lau? ’Ndaitie ge ning ju a dagene ’mbai de ra rei lau?

²’Ndaitiege a keringbe ne geteube ted lie bam ra rei lau? Zai nai’nsangne a lung ge a suisia bam ra rei lau? ’Ndaitiege a teureipeu ne a peireige di ze bam ra rei lau?

³Hei Tingwang a Rapeu gau, ’nning’mmi lu ze achu kak kai lau; a mik tewreba gai lau, makchai â, kechaitejei I jei gai di tau gu de lei;

⁴makchai â, a teureipeu ne achu, “Pechu â I ne naî ’nde lei,” ze acheu gu de lei; makchai â, I sapgimlaktibe ziegene a tewreipeu ne pe suiyi gu de lei.

⁵Kane ning gu hungka’ntipbe ge I â ’nnumtew gai de lei; ning gu tewka’nringbe ge a lung suiyigaihâ gu lei.

⁶Tingwang dage I heleutew gu lei, pe lungyibe ne a peireige keyibe tewgaibeibe ziegeneu.