Read Zeme Naga GETOABELEU 130 Bible Online

GETOABELEU 130 - Zeme Naga bible

GETOABELEU 130

¹Hei Tingwang gau, Kechukbe bâm ramme gene ningchu I kûka’nrung lei!

²A Wang gau, a kuâ seutâu gai lau! I kiambe sam ramme geze ning kun ne peize ’ngking’mmi bam lau!

³Nang ne, Hei Tingwang gau, hemui-helut ramme ze ’nchet gu lei dizaine â, a Wang gau, châu sapchi ra lau?

⁴Kane ning dage kelunbe la lei, ningchu peize hingchi ra hangge zeu.

⁵Tingwang je I kuâ lei, a keringbe zene kuâ lei, zai pe sam ge I kaheguî lei;

⁶hekêtkaime ne tingba pat ra kuâlakbe suadu, hekêtkaime ne tingba pat ra kuâlakbe suadu, a keringbe ne Tingwang je kuâlak’nteu ze bam lei.

⁷Hei Israel gau, Tingwang ge heguîkua bam lau! Tingwang ge hungka’ntipbe la daseu, zai pa ge ripatkaibe misongga la daseu.

⁸Zai pa ne Israel je pe gu hemui-helut ramme gene ’nripat kai gu lei.