Read Zeme Naga GETOABELEU 137 Bible Online

GETOABELEU 137 - Zeme Naga bible

GETOABELEU 137

¹Babilon ram gu nggeuki ge, chige anui ’ntau gai lu hap kai de lei, Zaion je anui ’nningdau lu dadegeu.

²Chige hegua’mpêune bang ramme geze, anui gu ’nrabung ramme anui ne guak kai de lei.

³Chige anui je kebang hang tîmme ne heleu ramme tew ra rang gai de lei, zai anui je kagetadme ne penui je puî’nta gai ra, “Zaion gu heleu ramme ruage leu kat anui je tewlia gai lau,” ze kacheu de lei.

⁴’Ndaigum ze hesang kedeume ram ge Tingwang gu heleu anui tew gai ra lau?

⁵I ne ningchu ’ngngaî dizai â Hei Jerusalem gau, peize a hezat’mbia ba ze ’ngngaichi lak bam de lau!

⁶Peize a leipak ze a hak ge kup kai de lau, I ne ningchu chî bam mak, I ne Jerusalem je a suiyilangbe hang tei gai makchai aî!

⁷Jerusalem mai ge Edomme kesiabe peireige, Hei Tingwang gau, chî bam lau, “Tew’nsia kam ne lau, tew’nsia kam ne lau! pe gu pedimpung ramme riâ chang zeu!” kacheube tak zeu.

⁸Hei Babilon na’mpuimi, nang mâ-tewka’nsiapui gau! Anui dage nang tâtewgaibe tâ zene ning peireige tewgaikadaibe kau â pe suiyi gu lei!

⁹Mige ning gu napoine ramme je tei lu ze tingchu gene ’mpuakkaibe kau â, pe suiyi gu lei!