Read Zeme Naga GETOABELEU 138 Bible Online

GETOABELEU 138 - Zeme Naga bible

GETOABELEU 138

¹Hei Tingwang gau, I a lung leine ne ningchu a suiyibe sam pau gai lei; hera ramme masua gene ningchu I ne suang lei;

²I ning gu ka’nchibe kellumki lam’mbe kei’nrik kai lu ze ning gu hungka’ntipbe benai lungsangtewbe hang ziegene ning ji ge a suiyibe sam pau gai lei; nang ne ning ji benai ning sam ze mâgetaleine peireige teichu’ngngugaibeibe ziegeneu.

³I kûgaibe mai ge nang ne achu kak kai bei de lei, a keringbe ranchi ze nang ne tewpung gai bei de lei.

⁴Hei Tingwang gau, kedeirei heguangme leine ne ningchu toa gu lei, ning mui gene patbe sam ramme penui seulube ziegeneu;

⁵Tingwang gu ’mpuî ramme deze penui leutew gu lei, Tingwang ngeudibe â yi-kadesang daseu.

⁶Tingwang â hu ze bam sedu, kecheime je katinggeu lei; kane gechîrettewme je â kedeu ’mbene du pa â chî lei.

⁷Lungkahereube zeu ge I tatrua sede, nang ne a keringbe je tei’nggim bam lei; a teureime penui râtabe ge nang ne ning ba getuapatnam gai lei, zai nang hezat’mbia ba ne achu lupat kai lei.

⁸Tingwang ne pe tâudeu ze a hang tew’nsang gai gu lei; nang hungka’ntipbe ze â, Hei Tingwang gau, betingbeta bam bam lei. Ning ba ne tewbe tâ ze tew’nsak kai se lau.