Read Zeme Naga GETOABELEU 14 Bible Online

GETOABELEU 14 - Zeme Naga bible

GETOABELEU 14

¹Kemiebe kau ne pe lung ge, “Hera ga lei” ze kacheu de lei. Penui â choateuchi lei, penui â katenetbe tâ ramme tewchi lei, keyibe tewbe kau mî de ga lei.

²Tingwang ne tinggîm gene ziemmename name je piekeu bam lei, Hera je peu ze mige ningching ze tâtewbe kau la mei be pie ra hangge zeu.

³Penui ’nteumena kezittat kam di de lei, penui ’nteumena choateuchime kam lei; keyibe tewbe kau mi de ga lei, ga lei, katte ga lei.

⁴Tâ-kesiabe tewme leine penui tak teube gum ze a gu ziemmena je teu’ndime, zai Tingwang ji kûmakme, penui dage mâ-gechîbe ga mei?

⁵Chige penui hingkedun gu lei, Hera â katelingme chaname dage bam-bambe ziegeneu.

⁶Kelaksiabe kau ka’nningbe tak ramme ge ningnui ne tew’ngngam gai leusedu pe gu ’mbaibâm â Tingwang de lei.

⁷Hei Israelme hangge ’nripatkairabe ze Zaion gene patrabe kau de lei! Tingwang ne pe gu ziemmename hang betingyibe pei gai dai dezai, Jakobbe ne pe suiyigaihâ gu lei, Israelme penui suiyi gu lei.