Read Zeme Naga GETOABELEU 142 Bible Online

GETOABELEU 142 - Zeme Naga bible

GETOABELEU 142

¹A kuâ ne Tingwang dage I kûka’nrung lei, a kuâ ne Tingwang dage I kiambe sam pau gai lei,

²pe masuage I a herêu ’nrapat kai lei, I kahereube pe suage I ranglia gai lei.

³A keringbe peran-gabe luage, nang ne a ’mpuî chî lei! I tatbe ’mpuî ge penui ne achu ’mpia tew gai lei,

⁴hezat’mbia hegua gai lu I piekua de lei, kane mî ne achu chibe kau ’ngga lei; a hangge ’mbairabe bâm ga lei, achu mî ne ’nningtinggeu ra ga lei.

⁵Hei Tingwang gau, ning dage I kûka’nrung lei; nang â a ’mbaibâm, keringme ram ge a dam de lei, ze I kacheu de lei.

⁶I kûka’nrungbe kuâ ’ngking’mmi gai lau; achu â tewhelêu gai bei daseu! Achu tewsâme dagene lupat kai lau; a hangge penui ranchi-desang lei!

⁷Kebangki gene achu nguapat kai lau, dezai ning ji ge hesuiyibe sam I pau le ra hangge zeu! Kapelingme ne achu tuaguâ gu lei; helungyibe ne nang ne achu ngua gai daseu.