Read Zeme Naga GETOABELEU 146 Bible Online

GETOABELEU 146 - Zeme Naga bible

GETOABELEU 146

¹Tingwang je toa lau! Tingwang je toa lau, Hei a keringbe gau!

²I ring tâne Tingwang je toa gu lei; I a pum sapbe luage a Rapeu je suang gu lei.

³Heguang changme dage ningnui ’nnumka’mmibe kai se lau, ziemmena na, pa ge ’ngngârabe mâ du gabe kau dage zeu.

⁴Pe gu pe chuilu ze tat ti dege pe gu kedei ’mbe helattat dai di tai lei; zai chipau mai sing geze pe gu tew ra ka’nningbe leine ga gai di tai lei.

⁵Jakobbe Rapeu zene pe gu ka’ngngâbe-bangpui chang ze bambe kau, pe gu kaheguîbe ze Tingwang pe Rapeu dage bambe kau ze helungsuitemi gu lei,

⁶ting benai kedei, sungkling zai chige bambe leine tewgaipeu, betingbeta pe lung kattit ze bambepeu;

⁷kategabe lieme hang ka’nzeibe tâ tewgaipeu, ’njei-kahereime je hetak peipeu zeu. Tingwang ne kebangme je ’mpat kai lei;

⁸pemikchitpeu mik ze Tingwang ne lat kai lei. Tingwang ne kei’ngkumkeudime je teichu gai lei.

⁹Hesangme ram ge tâuchiame je Tingwang ne rei lei, kemîpui benai bepeu-game je pa ne teika’nggim lei; kane helungriaksiame gu ’mpuî ze â pa ne tew’nsia gai bei de lei.

¹⁰Tingwang ning Rapeu ne, Hei Zaion gau, rehei leine dage betingbeta samram ze bam gu lei, Tingwang je toa lau!