Read Zeme Naga GETOABELEU 15 Bible Online

GETOABELEU 15 - Zeme Naga bible

GETOABELEU 15

¹Hei Tingwang gau, ning gu hetiamki ge châu ne rêu ra lau? Ning gu peloa ka’nchibe ge châu ne lung ra lau?

²Heziâk-ga ze lungbe kau, zai ka’nzeibe ne tâtewbe kau, zai pe lung sing gene samsang sabe kau;

³pe leiria ne miramme je sa’nsiamakbe kau, zai pe kangpeu peireige kesiatewmakbe kau mei nune, pe kining’mpeu peireige kesia ’ndamgaimakbe kau;

⁴pe mikngau ge lungkahelabe kau je ngauka’nnabe kau, kane Tingwang je hingchime je hengêutewchibe kau; pa kahereube ge deseu gai leusedu ’ngngîn daimak bambe kau;

⁵beching ngau ra hangge pe gu rangkâng kaimakbe kau, zai kesiajaîgabe kau dage henimlumakbe kau ne ra lei. Airamme tewbe kau â, mâtew-tewsedu pechu â, tew’ngngai ra mak lei.