Read Zeme Naga GETOABELEU 16 Bible Online

GETOABELEU 16 - Zeme Naga bible

GETOABELEU 16

¹Hei Hera gau, achu ’nggum lau, I nang ge ’nseu la daseu.

²Tingwang dage I sa de lei, “Nang ze a Wangpeu lei; ningchu sâu ze a hangge kêdabe keyibe ga lei,” ze acheu zeu.

³Heram lungge hengêutewzeime ka’nchime, chime â kedime lei, penui peireige a suiyi-desang lei.

⁴Kêdabe hera je kakelângme â, penui suikahereube tewpung lei; penui gu hejai peipatbe ze I ruî gai ra mak lei, zai a mui gene penui ji kûpat kai ra mak lei.

⁵Tingwang ze a dam zai a piak lei; nang ne a gu mâ-wangchangrabe ze tei’nggim bei de lei.

⁶A hangge pebâm yibe pung ramme diepat kai bei de lei, eu lei, mi heurâ keyibe I ngau lu de lei.

⁷Achu keyi ka’ndeîpeu Tingwang je I toa gu lei; tingmuî ge du a lung zene achu geteilia lei.

⁸Tingwang je a suage I kai bam lei; a hezat’mbia ge pa bambe ziegene achu tew’ngngai ra mak lei.

⁹Chipauziegene a lung suiyi lei, zai a keringbe ne pe suiyigaihâ lei; a pum du temichai ze bam lei.

¹⁰Nang ne achu Kechaiberam gene put kai me lei, zai ning gu ka’nchipeu je kechaibe kuiki ngau ra pei mak lei.

¹¹Nang ne achu keringbe ’mpuî teilia bei de lei; nang bambe ge mi suigut ne puigit ze bam lei, zai ning ba hezat’mbia ba ge mi suiyirabe ramme betingbeta hang lamui lei.