Read Zeme Naga GETOABELEU 20 Bible Online

GETOABELEU 20 - Zeme Naga bible

GETOABELEU 20

¹Lungkahereube mai ge peize Tingwang ne ning kuâ kak be lau! Jakobbe Rapeu ji gene peize ningchu reheiheka be lau.

²Peize kakellumbe bâm gene ningchu ka’ngngâbe lang gai be lau, zai Zaion gene peize ningchu ka’ngngâbe pei gai be lau!

³Ning gu kela peipatkaibe leine peize pa ne chibam lau, zai ning gu rûkambe-râtewbe ramme peize ka’nchâbe ne lu gai be lau.

⁴Ning lung ge nang luneibe ze peize pa ne pei ra hezuâ gai be lau, zai nang tew ra teleuka’ntuabe leine ze peize tewpui gai be lau!

⁵Nang ngamgaibe peireige anui suiyi ze ’nrung gu lei, zai anui Rapeu ji gene anui gu hepiepaî tei’nsapchu gai gu lei! Nang gekiebe leine ze peize Tingwang ne tewpui gai be lau!

⁶Pa ’nnukkai’ndipeu je Tingwang ne ’ngngâ gu lei be chuna â I chî de lei; pe gu tinggîm ka’nchibe gene pa ne pechu kak kai gu lei, pa hezat’mbiaba tâtewchibe ne pechu kengambe kedibe pei gu lei.

⁷Hanggesame â hekuntimriang ramme ge kedikuâ-kua, zai hanggesame â hekun ramme ge kedikuâ-kua lei, kane anui â Tingwang anui Rapeu ji ge kedikuâ-kua lei.

⁸Penui â bakêu ze kau gu lei; kane anui â zuachu ze sap’ndisi bam gu lei.

⁹Hei Tingwang gau, heguang je kengambe pei lau; zai anui kû gai dezai anui je kak kai lau.