Read Zeme Naga GETOABELEU 21 Bible Online

GETOABELEU 21 - Zeme Naga bible

GETOABELEU 21

¹Hei Tingwang gau, ning ranchi ge heguang pe suî’nta la lei; zai nang ne ’ngngâbeibe ge pe suiyi toa ze la de lei!

²Pe lungge keneibe ze nang ne pechu pei gai bei de lei, zai pe mui ne mâ-gekiebe ze peimakbe ga lei.

³’Nnamgaibe keyibe ne nang ne pechu kuâ laleu bei de lei; gechâk ka’nchibe ne heguangpeichûp tewbe nang ne pe peî ge luak kai bei lei.

⁴Ning dage ringrabe hang pa kie lei; chize nang ne pechu pei bei de lei, betingbeta ringbamrabe hangge zeu.

⁵Nang ne ’ngngâbeibe gene pa pe ngeudi ze di-desang bam lei; sasuangbe benai kaheguangbe nang ne pe peireige pei gai bei de lei.

⁶Eu lei, nang ne pechu betingbeta hangge ’nnam gai bei de lei; pe suitew’mmi bei de lei.

⁷Tingwang ge heguang â ’nnumtew ze bam lei; zai Hulangpeu hungka’ntipbe ziegene pechu â tew’ngngai ra mak lei.

⁸Ning teureime leine je ning ba ne tuîtâu gu lei; ning ba hezat’mbia ba ne ning chu ngaugailakme leine je tuîtâu kam gu lei.

⁹Nang liâ dezai nang ne penui je ’mmangkuiki giebe gum ze tew gai gu lei. Pe lumpum ne Tingwang ne penui je ’nzua ’ndu lei; zai hemi ne penui je rû ’ndu lei.

¹⁰Kedei gene nang ne penui haîhikme je tew’ngga kam ’ndu lei, zai penui name je ziemmename name ruagene tew’ngga kam ’ndu lei.

¹¹Ning peireige kesia ’mpung, zai penui ne kesiatew ra ’nning dizai â, penui mâ-leine ge changlak ze bam gu lei.

¹²Nang ne penui je gua’mpak kai gu lei; ning gu bai’mpi ne penui ju ge kap ra ’ndua gai gu lei.

¹³Hei Tingwang gau, Ning ranchi je peize toa’ndi ze bam lau! Ning gu reziechibe deze anui leu ne toa bam gu lei.