Read Zeme Naga GETOABELEU 23 Bible Online

GETOABELEU 23 - Zeme Naga bible

GETOABELEU 23

¹Tingwang â a hangge melireîpeu lei, I ’nsanglak ze bam ra mak lei;

²timpei ka’ndiakbe bâm ge pa ne achu tei’njeikau gai lei. Hedui tering sungmang bambe hiage pa ne achu nguawang gai lei;

³a keringbe pa ne teleu’mmi gai lei. Pe ji hang ziegene kapelingbe ’mpuîki ramme ge pa ne achu ngua gai lei.

⁴Kechaibe kezui-kâm ge I tatpela leusedu, kesiabe je mâ du I hing mak lei; a dage nang bam daseu; ning gu hegeîtui benai melireîbe-tui ne a lung tewhegeitenai gai bei lei.

⁵A teureime bambe gene nang ne a suage mâ-teurabe bâm teleu gai lei; nang ne a peî ge taudui ’nnuk kai bei lei, a piak pui’nniâmba la lei.

⁶Gesangsing lei keyibe benai ka’nggiabe ne I ring tâne achu sui bam lei; zai Tingwang ki ge betingbeta I bam bam gu lei.