Read Zeme Naga GETOABELEU 26 Bible Online

GETOABELEU 26 - Zeme Naga bible

GETOABELEU 26

¹Achu gesang-peling teilia gai lau, Hei Tingwang gau, a lung ’ntip ze I tat bam daseu, zai Tingwang je a lung ’ntiprip ze ’nnumtew bam lei.

²Achu ’ndeu-’ndak le lau, Hei Tingwang gau, zai achu heda le lau; a lung benai I ka’nningbe kedak le lau.

³Nang hungka’ntipbe ze a mikma ge la daseu, zai lungsang gene I ning dage tat bam lei.

⁴Deuzietewme ruage I â ’ntauherua me lei, zai mâ-pahelîtewme dage I â ’ngkai me lei.

⁵Tâ-kesiabe tewme bau je I â ngaugailak lei, zai helungriaksiame dage du I â ’ntauherua ra mak lei.

⁶Kesiajaîgabe gene a ba I ka’mpiau lei, zai ning gu herâtewbe-kaira hiage I â tuaguâ bam lei. Hei Tingwang gau,

⁷misuiyibe leu tew’nchi ze ning gu ningdaulakbe tâ ramme leine salia bam lei.

⁸Hei Tingwang gau, ning ki bambe bâm benai ning ngeudibe bambe bâm je I ne ka’nchâ lei.

⁹Hemuime ruage achu biaktua’mpam gai se lau, zai hejai tewpatneime dagene du nang ne a keringbe biaktua’mpam gai se lau,

¹⁰chime â penui ba ge helungriaksiabe bam lei, zai penui hezat’mbia ba ge henimlube ne pui lei.

¹¹Kane I â a lung ’ntiprip ze tat bam lei; achu ’nripat kai lau, zai achu ngau’nggia gai lau.

¹²Kedei bâm ka’nsambe ge a pî â sap la lei; wangka’nduibe ge Tingwang je I toa gu lei.