Read Zeme Naga GETOABELEU 3 Bible Online

GETOABELEU 3 - Zeme Naga bible

GETOABELEU 3

¹Hei Tingwang gau, a teureime misongga la de lei! a peireige misonggame ne ’nggi ra zuachu la de lei;

²misonggame ne achu, pe hangge Hera dage ka’ngngâbe mâ de ga lei, kacheu de lei.

³Kane Hei Tingwang gau, nang â hinggei chang ze achu guâ ze bam, a hang pengêudibe zai a peî kuakchugaipeu de lei.

⁴A rankai ze Tingwang dage I ka’nrung lei, zai pe gu peloa ka’nchibe gene achu kak lei.

⁵I jeikau gai lu jeikeu di de lei; I ’nrakchu kadai de lei, Tingwang ne achu teibeibe ziegeneu.

⁶Baudi chang kereume je I â mâ de hing me lei, achu ’nggi ra tuaguâwangme bau jeu.

⁷Hei Tingwang gau, zuachu ze achu lupat kai lau! Hei a Rapeu gau! Nang ne a teureime biapi gepei gai bei, zai helungriaksiame geu ramme tewkeu gai bei daseu.

⁸’Nripatkaibe ze â Tingwang gu lei; ning gu ziemmena peireige nang ’nnamgaibe peize bam lau!