Read Zeme Naga GETOABELEU 32 Bible Online

GETOABELEU 32 - Zeme Naga bible

GETOABELEU 32

¹Pe gu hingdeka’ngkabe lun-gaibeime ze yi de lei, pe gu hemui ruichimgaipeu zeu.

²Tingwang ne hemui-helut kau hangge chakkaimakme ze yi de lei, zai pe dage kechoabe gabe kau yi de lei.

³I ne a gu hemui ralia mak dege a pum â siakeu di de lei, naimikpui tâluî a lung huaipun bambe ge zeneu.

⁴’Nrîmbeting benai kemuîbe ting ge du a peireige ning ba dapritsit bam de lei; tinglum ting tingchiê ne pubeibe lumbe gum ze a ranchi ze â ’ngkeîkelak ti de lei.

⁵Ning dage a gu hemui chîchang gai de lei, zai a gu hemui-helut du I tei’mbai me lei; “I hingdeka’ngkabe ramme ze Tingwang dage I ralia gu lei,” ze I kacheu de lei; dadege a gu hemui gene I kemaube ze nang ne lun gai bei de lei.

⁶Chidaze Hera lungtak pungme leine ne ningchu peize kellum lau; mi duânggabe luage, heduicheuchibe ge pechu chiramme zene gua’nsachang ra mak lei.

⁷Nang â a hangge ka’mbaibe bâm lei, kahereube ge nang ne achu tei’nggim bei de lei; nang ne achu kiâkerang ze tuahiârua bam bei de lei.

⁸Ning gu ’mpuî tatrabe tak ze I ne ningchu teilia ze geteilia gai gu lei; ning peireige a mik piekua ze ningchu geteigai’mmi gu lei.

⁹Hekun benai hekunmerângne gum ze mâ-ka’nningbe ga ze bam se lau, penai je â hegeîdâng benai pa’nggauria kai lu chak’nrei ra ka’nnang lei; makchai â ning telui-luichi ra mak lei.

¹⁰Helungriaksiame hang â betedka’nsîbe misongga bam lei; kane Tingwang je ’nnumtewbe kau â, hungka’ntipbe ne pechu guâgit bam lei.

¹¹Tingwang ge hesuiyi bam lau, zai hesuiyi’nta bam lau, Hei mâ-pelingtewme gau, zai mi suigut ne ’ngkiak lau, ningnui helung ka’nzeime leine gau!