Read Zeme Naga GETOABELEU 39 Bible Online

GETOABELEU 39 - Zeme Naga bible

GETOABELEU 39

¹“I a ’mpuî ramme reî’mmi gu de lei, a leiria ne I hemui gai me ra hangge zeu; a mui I gekapgit bam gu lei, a suage helungriaksiame bam tâne aî,” ze I kacheu de lei.

²A latpat mak ze a kuâneu mak bam lei, I zîng bam gai leusedu chize ne betâu chang mak lei; a lungkahereube ze ranbi-bi chu de lei,

³a pum ge a lung lumpat ti de lei, I mâ-’nningmang gai dege hemi ze tau de lei; dadege I a leiria ne sam sa de lei:

⁴“Tingwang gau, a keringbe ’ndaitie riâ ra mei be ze achu chî ra pei lau; zai a keringbe ’ndaigum galap kai ra mei be tak ze achu chî ra pei lau!

⁵Pie gai ni lau, nang ne a tingnaimikpui ramme desau riâ runne ze ’ndeu gai bei de lei, zai a kering ting ze ning mikngau ge mâ-tâuhanggabe gum lei. Zai ziemmena leine pechuilube nane runne de lei!

⁶Pelingsing ze ziemmena â kezui gum ze tat’ngguarua bam lei! Pelingsing ze mâ-tâuhanggabe gene penui ka’nchuak lei; ziemmena ne pe heu ramme gekuachu gai lei, zai chiramme châu ne gekumwang gu mei be chî mak lei!

⁷“Zai chunage a Wang gau, ’ndaikau hangge I kua ra lau? I kaheguîbe ning dage la lei.

⁸I hingdeka’ngkabe leine gene achu lupat kai lau. Kemiebe ’nru zat hang achu tew gai se lau!

⁹I a ladpatlakbe kau, I a mui ’ngkakpat mak lei; nang ne aize tew gai lei.

¹⁰Nang achu lakbe sau zu lau; ning baranchi lielak ze I â ’ngguaipeniak ze la de lei.

¹¹Ziemmena pa kahemuibe ziegene nang ne pechu lakgetie ze ka’ngngiambe luage, pa ’nchâlangbe zat peireige ze ’nsungkaupui ne gum ze tew’nsia gai bei de lei; gesangsing ze ziemmena leine â pe chuilu ze bambe nane runne de lei!

¹²“A kellum kuâ seu gai lau, Hei Tingwang, zai I hapbe ’ngking gai lau; a mikdui zâukeube ramme geze ning kuâneu mak ze bam se lau! I ning gu hesang tebeîtewpeu lei. A pau a paime leine gum ze I â hetîtiruapeu lei.

¹³A dagene pie’nriktat te lau, dezai I tat ze ’nggagaiderabe suage hesuiyibe I chî le ra hangge zeu,” ze acheu zeu.