Read Zeme Naga GETOABELEU 4 Bible Online

GETOABELEU 4 - Zeme Naga bible

GETOABELEU 4

¹Hei Hera gau, I kû gai dezai achu kak kai lau! A duângga ze bambe lua nang ne a lung tewtemi gai bei de lei. Achu ’nggia gai lau, zai I kiebe kuâ seutâu gai lau.

²Hei ziemmename gau, ’ndaitiege I a ji yi ze bambe tewkengam gai bam ra lau? ’Ndaitiege ningnui karasa sa ra peu bam ra, zai mêruang sam ramme je ’nchâ bam ra lau?

³Kane Tingwang ne Hera lung tak pungbe kau je pe runne pe hangge kaichâm gai ’nde lei be chî le lau; pechu I ku gai dege Tingwang ne seu bei lei.

⁴Ning lumpum lau, kane hemui gai se lau; ningnui lung ’nning zun lu ze ningnui jeî ge zîng ze bam lau.

⁵Kapelingbe ne herâtewbe ramme peipat kai lau, zai Tingwang dage nang ’nnumtewbe kai lau.

⁶“Chaume ne anui je mâ-keyibe teilia dui lau? Ning ju kebabe peize anui peireige lerba gai lau! Hei Tingwang gau,” ze kacheume misongga lamui lei.

⁷Penui ne penui gu mâ-hîmra benai wain ne danggit bambe ting ge, penui suiyibe bambe suadu nang ne a lung ge misuiyibe chipau peirei kai dai bei de lei.

⁸I temichai ze jeikau lu jeikeu gai gu lei; Hei Tingwang ning runne lei, zeûne ze I bam ra achu tewgaipeu ze aî.